Premier League yasohoye ingengabihe y’uko amakipe azahura mu mwaka w’imikino 2021/2022
Ikipe ya Manchester City yatwaye shampiyona ishize niyo yashyizwe mu ihurizo ku munsi wa mbere kuko izatangira yakira Tottenham.
Andi makipe ahabwa amahirweyo kwegukana shampiyona bitewe n’uko yasoje iheruka ndetse n’’abakinnyi afite harimo Manchester Utd, Liverpool na Chelsea,yamaze kubona ingengabihe.
Arsenal na Chelsea zizatangira umwaka zihura n’amakipe y’i London aho iyi kipe ya Arteta izatangira Premier League isura Brentford yazamutse naho Chelsea yakire Crystal Palace.Umunsi wa kabiri aya makipe 2 azahita ahura.
Ole Gunnar Solskjaer na Manchester United ye bazatangira bakira Leeds United kuri Old Trafford, mu gihe Liverpool izasura Norwich City kuri Carrow Road.
Leicester City yatwaye FA Cup izahura na Wolves, Everton ihangane na Southampton, Burnley izahangana na Brighton, Newcastle United yesurane na West Ham and mu gihe Watford yazamutse izacakirana na Aston Villa.
Mu mikino iba itegerejwe cyane, Liverpool na Chelsea zizahurira Anfield kuwa 28 Kanama 2021, na Manchester City yakire Arsenal muri iyo weekend.
Arsenal izesurana na Tottenham kuwa 25 Nzeri uyu mwaka mu gihe muri iyo weekend City izaba yasuye Chelsea.
Manchester derby ihuza City na United izabera bwa mbere kuri Old Trafford kuwa 6 Ugushyingo uyu mwaka, mu gihe Merseyside derby [Liverpool vs Everton] izaba mu mpera z’uko kwezi ari nabwo United izahangana na Arsenal.
Ku bunani, Arsenal izakira Manchester City ku kibuga Emirates Stadium.
Umunsi wa mbere wa Premier League 2021/2022