Print

Ubutaliyani bwabaye ikipe ya mbere igeze muri 1/16 cy’irangiza cya Euro 2020

Yanditwe na: Dusingizimana Remy 16 June 2021 Yasuwe: 1166

Ikipe y’igihugu y’Ubutaliyani yabaye igihugu cya mbere cyabonye itike ya 1/16 cy’irangiza cy’imikino ya EURO 2020 nyuma yo gutsinda Ubusuwisi ibitego 3-0 byiyongera ku bindi nk’ibi yatsinze Turkia mu mukino wa mbere wo mu itsinda A.

Uyu mukino w’umunsi wa kabiri,wabereye mu mujyi wa Rome aho Ubutaliyani bwahabwaga amahirwe bwaruhije iyi kipe kuva umukino utangiye kugeza urangiye.

Ku munota wa 26 nibwo Manuel Locatelli ukina hagati mu kibuga yafunguye amazamu ku mupira mwiza yahawe na Domenico Berardi.

Uyu mukinnyi uri kwifuzwa na Manchester City ndetse n’andi makipe menshi yatsinze igitego cya kabiri ku munota wa 52 ku ishoti rikomeye yatereye inyuma y’urubuga rw’amahina.

Ku munota wa 89, Ciro Immobile yatsinze igitego cya 3 nawe ku ishoti rikomeye yatereye inyuma y’urubuga rw’amahina.

Ikipe y’Ubutaliyani itarakinnye Euro iheruka,ihagaze neza muri uyu mwaka aho itegereje uwo bizahura muri 1/16 cy’irangiza gusa izabanza guhura na Wales mu mukino wa nyuma mu itsinda.

Mu wundi mukino wabaye muri iri tsinda,Wales yatsinze Turkia ibitego 2-0 bya Aaron Ramsey na Connor Roberts.

Undi mukino wabaye uyu munsi nuko Uburusiya bwatsinze Finland igitego 1-0.