Print

Miss Munyango Claudine na Kimenyi Yves bagiye kwibaruka Imfura yabo[AMAFOTO]

Yanditwe na: Rebecca UFITAMAHORO 18 June 2021 Yasuwe: 3930

Amakuru dukesha ikinyamakuru YegoB ,kirahamya ko Kimenyi Yves na Miss Munyango Claudine wegukanye ikampa rya Miss Photogenic muri 2019 biteguye kwibaruka imfura yabo mu minsi iri imbere mike cyane.

Nkuko tubikesha uwahaye amakuru YEGOB uri mu nshuti zabo zahafi yavuze ko Munyango atwite inda nkuru yitegura kwibaruka umwana we w’imfura.

Yagize ati”Munyango rwose aratwite ndetse n’inda ye ubu imaze kuba nkuru .maze iminsi mbizi”.

Muri Kanama 2019 nibwo aba bombi bashyize kumugaragaro ko bakundana, hari nyuma y’uko Kimenyi Yves atandukanye na Diddy d’Or.

Kimenyi yabwiye itangazamakuru ko mubyara we ari we watumye amenyana na Miss Uwase Muyango. Ati “…Turakundana, twatangiye tuganira gake gake, nyuma biza kuvamo ikintu kinini. Ni mubyara wanjye waduhuje kuko bari basanzwe ari inshuti. Urukundo rwacu rurimo kugenda rushibuka.”

Kimenyi Yves yatangiye urugendo rushya rw’urukundo na Miss Uwase Muyango muri 2019 amaze gutandukana n’uwari umukunzi we Didy d’or.

Mu bihe bitandukanye Uwase Muyango na Kimenyi Yves bagiye bashimangira urwo bakundana ku mbuga nkoranyambaga ndetse hari n’amakuru yavugwaga ko babana mu nzu.

Muri Nzeri 2019, Kimenyi Yves yanditse kuri konti ya instagram, abwira Muyango ati “Sinitaye ku nshuro mvuga ko ngukunda, buri gihe ngukunda birenze kurushaho.” Yarengejeho ‘emoji’ y’umutima ndetse n’impeta.

Mu gusubiza, Miss Muyango yabwiye Kimenyi ati “Ngukunda uko uri mukunzi, uri isi yanjye.” Yarengejeho ‘emoji’ y’umutima ashimangira ko yasaye mu nyanja y’urukundo rwa Kimenyi Yves.