Print

Covid-19 yahitanye abantu 10 mu Rwanda abandi 867 barayandura

Yanditwe na: Dusingizimana Remy 1 July 2021 Yasuwe: 1780

Abanduye bashya ni 867 biganjemo abo mu mujyi wa Kigali wabonetsemo abanduye bagera kuri 208.Abamaze kwandura bose ni 39,914.

Nta muntu wakize ariyo mpamvu abamaze gukira bagumye ari 27,272.Abakirwaye ni 12,194.Abarembye ni 37.

Abantu 251,139 bamaze guhabwa doze ya kabiri y’urukingo rwa #COVID19 (AstraZeneca) barimo 875 bayihawe uyu munsi.

Inzego zishinzwe ubuzima muri Uganda zatahuye ko hari abarenga 800 n’abandi bantu bataramenyekana umubare bo mu bigo bitandukanye mu Mujyi wa Kampala, bahawe inkingo za Covid-19 zitari zo mu kwezi gushize.

Muri abo harimo abagiye bitaba Imana mu nkundura ya kabiri y’icyorezo cya Covid-19.

Umuyobozi w’Ishami ry’Ubuzima mu Biro by’Umukuru w’Igihugu, Dr Wallen Naamara yemeje aya makuru y’uko hari abantu benshi bahawe urukingo rwa Covid-19 rutari rwo hagati ya tariki 15 Gicurasi na 17 Kamena 2021.

Dr Wallen yabwiye Daily Monitor dukesha iyi nkuru ko abantu bahawe urukingo rutari rwo badakwiriye kugira impungenge kubera ko bishoboka ko abagiye babatera izo nkingo bashobora kuba barakoresheje amazi.

Abashinzwe iperereza mu Biro by’Umukuru w’Igihugu, ku wa Gatatu bataye muri yombi abaforomo babiri bo mu Mujyi wa Kampala na Nakawa, aho bashinjwa gutera abantu inkingo za Covid-19 zitari zo.

Hari amakuru avuga ko ku wa 17 Kamena, hari itsinda ry’abaganga ryakoze igenzura ku Kigo Nderabuzima cya Kiswa, ahari ikigo gitangirwaho inkingo cya Nakawa mu Mujyi wa Kampala ritahura ko Abaforomo bagiye baca amafaranga abantu kugira ngo bahabwe inkingo aho doze imwe yagurwaga hagati y’amashilingi 100,000 na 200,000.