Print

APR FC iri mu makipe yemeye kuzakina CECAFA Kagame Cup 2021

Yanditwe na: Dusingizimana Remy 23 July 2021 Yasuwe: 630

Impuzamashyirahamwe y’Umupira w’Amaguru muri Afurika y’Uburasirazuba n’iyo Hagati (CECAFA), yatangaje ko CECAFA Kagame Cup 2021 izakinwa muri Kanama aho u Rwanda ruzahagararirwa na APR FC.

APR FC iri mu makipe yemeje ko azitabira CECAFA Kagame Cup izabera i Dar Es Salaam muri Tanzania hagati ya tariki ya 1 n’iya 15 Kanama 2021.

Amakipe yemeye kwitabira ni: Young Africans SC, Azam FC (Tanzania), Altabara FC (South Sudan), Le Messager Ngozi FC (Burundi), APR (Rwanda), Express FC, KCCA FC (Uganda), Tusker FC (Kenya), KMKM SC (Zanzibar), Big Bullets FC (Malawi).

APR FC yegukanye igikombe cya Shampiyona y’u Rwanda ku nshuro ya kabiri idatsinzwe, ni imwe mu makipe byemejwe ko azitabira iri rushanwa.

Ubwo iyi kipe y’Ingabo yaherukaga gukina CECAFA Kagame Cup yabereye mu Rwanda mu 2019, yasezerewe na AS Maniema yo muri Repubulika Iharanira Demokarasi ya Congo muri ¼.

KCCA FC yo muri Uganda, ifite irushanwa riheruka, ni imwe mu makipe azitabira iry’uyu mwaka, aho izaba iri kumwe na Express FC yatwaye igikombe cya Uganda Premier League.