Myugariro Benjamin Mendy amerewe nabi n’inkiko ashinjwa gufata ku ngufu abagore 3
Myugariro wa Manchester City,Benjamin Mendy,arashinjwa ibyaha 4 birimo 3 byo gufata ku ngufu n’ikindi kimwe kijyanye n’ihohoterwa rishingiye ku gitsina.
Uyu mukinnyi w’imyaka 27 akurikiranyweho ibi byaha byo gufata ku ngufu abagore 3 byabaye hagati y’Ukwakira 2020 no muri Kanama 2021.
Abantu 3 Mendy ashinjwa gusambanya bose barengeje imyaka 16.Uyu munsi nibwo Mendy aritaba umucamanza wa Chester.
Nyuma yo gushinjwa ibi byaha na polisi,ikipe ya Manchester City yamuhagaritse.
City yasohoye itangazo rigira riti “Manchester City irashaka kwemeza ko nyuma yo gushinjwa ibyaha na polisi uyu munsi, Benjamin Mendy abaye ahagaritswe mu kazi kubera impamvu z’iperereza.
Iki kibazo cyamaze kugera mu nkiko ikipe nta kintu na kimwe yabivugaho kugeza birangiye.”
Benjamin Mendy yakiniye City kuva muri 2017 avuye muri AS Monaco kuri miliyoni 52 z’amapawundi.
Ubushinjacyaha nabwo bwemeje ko uyu myugariro ari gukurikiranwaho biriya byaha bikekwa ko yakorewe ahitwa Cheshire.
Mendy yajyanwe muri iriya modoka agiye mu rukiko