Abatalibani bashyize hanze Guverinoma y’abagabo gusa biganjemo abashakishwa
Iyi Guverinoma yatangajwe kuri uyu wa Kabiri tariki 7 Nzeri 2021,nyuma y’ibyumweru birenga bitatu Aba-Taliban bigaruriye igice kinini cya Afghanistan, aho batangaje ko bagiye guhindura izina igihugu kikitwa ‘Islamic Emirate of Afghanistan’ nk’uko byari bimeze bakiri ku buyobozi mu 1996-2001.
Iyi Leta, igizwe n’abagabo gusa, irimo abakuru b’aba-Taliban bamwe bazwi cyane mu bitero ku ngabo z’abanyamerika mu myaka 20 isheze.
Leta izaba iyobowe na Mullah Mohammad Hassan Akhund, umwe mu bashinze uwo mutwe, nawe asanzwe ari ku rutonde rw’abatemewe n’Umuryango w’Abibumbye, ONU.
Minisitiri w’Ubutegetsi mu gihugu n’umugabo utinyitse cyane ushakishwa na FBI uyobora umutwe w’abarwnyi b’aba Haqqani.
Leta Zunze ubumwe za Amerika zivuga ko ’’zifite impungenge" nyuma y’aho aba Taliban bashyiriye hanze abagize leta yabo b’abagabo gusa kandi irimo abantu bafitaniye isano n’ibitero ku ngabo z’Abanyamerika.
Minisiteri y’ububanyi n’amahanga ya Amerika ivga ko barimo gusuzuma iryo tangazo ryo ku wa kabiri.
Mu itangazo ryo ku wa kabiri, iyi Minisiteri (State Department) yavuze iti: "Twabonye ko urutonde rw’amazina yatangajwe rugizwe gusa n’abasanzwe ari abarwanyi b’aba Taliban cyangwa abo bakorana kandi nta mugore urimo.
"Dutewe impungenge kandi n’ahahise ha bamwe muri bo."
Amerika izafatira aba-Taliban ku byo bakora, ntabwo ari ku magambo."
