Print

U Rwanda rwananiwe kugera muri 1/2 cy’igikombe cy’Afrika cya Volleyball

Maroc ibaye ikipe ya Kane igiye muri Kimwe cya Kabiri, mu mikino ya shampiyona ya Afurika ya Volleyball irimo kubera muri Kigali Arena, ni nyuma yo gutsinda u Rwanda amaseti 3-0.

U Rwanda rwageze muri iki cyiciro ruyoboye itsinda A,rwagowe cyane n’aba barabu barutsinda amaseti 3-0 barurusha rutakaza amahirwe yo kugera muri 1/2.

Iseti ya mbere u Rwanda rwayitsinzwe ku manota 25-17,iya kabiri ruyitsindwa ku manota 25-23 hanyuma iya nyuma ruyitsindwa ku manota ku manota 25 kuri 18.

U Rwanda rugiye guhatanira imyanya kuva kuwa 5-8 nyuma yo kubura amahirwe yo kugera muri 1/2 cyagezemo amakipe 3 yo mu Barabu n’imwe ya Cameroon.Umukino ukurikiraho ruzahura na Nigeria mu gihe Uganda izesurana na RD Congo.

Uretse Maroc,izindi kipe zageze muri 1/2 ni Tunisia ifite igikombe giheruka, Cameroon na Misiri.

Dore Uko imikino ya ¼ yagenze

Rwanda - Morocco 0-3
17-25
23-25
17-25

Egypt V Uganda 3-1

28-30
25-18
25-16
25-21

Tunisia v RDC 3-0

25-22
25-17
25-21

Cameroon v Nigeria 3-1

25-19
25-17
25-12
25-20