Print

Burundi: Mushiki w’uwari Perezida w’u Burundi Ndadaye yahawe umwanya ukomeye muri Leta

Hon.Denise Ndadaye yatorewe kuba visi Perezida wa mbere wa sena nyuma y’aho Madamu Caritas Njebarikanuyewari muri uyu mwanya yegujwe azira kuzamura igiciro cy’isukari mu buryo butemewe n’amategeko.

Sena y’Uburundi yatoye Denise Ndadaye ngo asimbure uyu Spès-Caritas Njebarikanuye uherutse gucibwa amande ya miliyoni ebyiri z’amafaranga y’amarundi, ashinjwa kugurisha isukari ku biciro biri hejuru y’ibyemewe n’amategeko.

Ishyirahamwe SOSUMO naryo rikaba ryahise rikura sosiyete ye, Family Dan and Stacy ku rutonde rw’abarirangurira isukari.

Hon.Denise Ndadaye ni mushiki wa nyakwigendera Perezida Melchior Ndadaye, yinjiye muri Sena ari mu ishyaka riri ku butegetsi CNDD-FDD,ubwo yari ahagarariye intara ya Mwaro, mu matora aheruka mu 2020.