Print

Kigali:Wa mugabo wiyahuye kuri Etaje yo mu mujyi rwagati yapfuye

Yanditwe na: Dusingizimana Remy 17 September 2021 Yasuwe: 2567

Umugabo uri mu kigero cy’imyaka 28 wasimbutse kuri etaje ya kabiri y’inyubako ya La Bonne Addresse mu Mujyi wa Kigali kuri uyu wa Gatatu,amakuru mashya aravuga ko yaguye kwa muganga.

Uyu mugabo yiyahuriye ku nyubako ya La Bonne Adresse iherereye mu Murenge wa Nyarugenge mu Karere ka Nyarugenge gusa ku bw’amahirwe ntiyahita apfa.

Umunyambanga Nshingwabikorwa w’Umurenge wa Nyarugenge, Murekatete Patricia yabwiye UMUSEKE ko uyu mugabo wavuzwe ko yitwa Mutabazi yapfuye.

Ati “Uwagerageje kwiyahurira ku nyubako ya La Bonne Adresse nk’uko twari twabibamenyesheje, amaze gushiramo umwuka aguye ku Bitaro bya CHUK.”

Ahagana saa yine z’amanywa yo kuri uyu wa Kane tariki 16 Nzeli 2021, nibwo uyu musore yagerageje kwiyahura asimbutse mu igorofa ariko ntiyapfa.

Amakuru avuga ko mbere y’uko yiyahura, yabanje guhamagara mushiki we amumenyesha ko ari kuri Ubumwe Hotel agiye kwiyahura bitewe n’uko ubuzima bwamunaniye.