Print

Edinson Cavani yasabwe gukora ikintu gikomeye kubera Cristiano Ronaldo

Yanditwe na: Dusingizimana Remy 13 October 2021 Yasuwe: 1666

Rutahizamu Edinson Cavani yasabwe kuva muri Manchester United kubera ko umutoza we mu ikipe y’igihugu yamusabye gushaka umwanya uhagije wo gukina.

Uyu munya Uruguay ntabwo akibanza mu kibuga mu ikipe y’igihugu mu mikino iheruka, nyuma yo gukina iminota 104 muri Premier League kugeza ubu.

Nyuma y’uko Cristiano Ronaldo ageze muri Manchester United,umwanya wa Cavani mu ikipe ya mbere muri Manchester United wagiye nka nyomberi,ubu asigaye ahora ku ntebe y’abasimbura.

Umwe mu banya Uruguay bubatse izina rikomeye mu mupira w’amaguru,Gus Poyet,yagiriye inama Cavani yo gushaka ahandi yerekeza yabona umwanya uhagije.

Yabwiye TalkSPORT ati: "Ntabwo yagize amahirwe, kuko Ronaldo ataraza, yakinaga nka rutahizamu wa mbere.

"Icyemezo cya Juventus, Man City cyabigizemo uruhare, kirwanya bidasanzwe umuntu umwe - kandi uwo yari Cavani.

"Ahari ashobora kwigendera muri Mutarama.

"Hanze, ntabwo muzi, ariko iyo nza kuba we, nkareba uko ibintu bimeze ubu, nkabona adahabwa iminota 90 mu ikipe y’igihugu kuko adakina - birashoboka."

Cavani w’imyaka 34, yatsinze ibitego 17 mu mikino 39 mu mwaka we wa mbere muri United.