Manchester United yamanutse cyane ku rutonde rw’amakipe akomeye i Burayi [URUTONDE]
Ikipe ya Manchester United yamanutse ku mwanya wa cyenda ku rutonde rw’uko amakipe akurikiranye ku rutonde rwa UEFA yashyize hanze.
Impamvu nini yo kugwa kwayo nuko intsinzi yabo ya Europa League 2017 itabarwa mu manota UEFA itanga.
UEFA ibara gusa amanota yakusanyijwe mu myaka itanu ishize, harimo n’uko yitwaye muri UEFA Champions League ziheruka.
United ntiyitwaye neza mu Burayi mu myaka ishize nubwo yageze ku mukino wa nyuma wa Europa League iheruka itsindwa na Villarreal kuri penaliti.
Kure cyane United iheruka kugera muri Champions League ni muri kimwe cya kane cy’irangiza - aho batsinzwe na Barcelona muri 2019.
Nk’igisubizo, United yavuye ku mwanya yariho wa karindwi.
Liverpool bahanganye yazamutse hejuru ya United nyuma yo gutwara igikombe cya UEFA Champions League muri 2019 ndetse ikarangiza ku mwanya wa 2 mu mwaka wari wabanje.
Amakipe arimo Manchester City yageze ku mukino wa nyuma ubushize hamwe na Chelsea yatwaye igikombe ubu ziri hejuru ya United.
Uko amakipe 10 akurikirana ku rutonde rwa UEFA:
1.Bayern Munich
2.Man City
3.Liverpool
4.Chelsea
5.Barcelona
6.Paris St Germain
7.Real Madrid
8.Juventus
9.Man Utd
10.Atletcio Madrid
