Rayon Sports yiyunze n’abafana yihaniza Bugesera Fc
Ikipe ya Rayon Sports yari yakiriye Bugesera FC mu mukino w’umunsi wa 3 wa shampiyoma y’icyiciro cya mbere 2021-22,iyitsinda ibitego 3-1.
Rayon Sports yaherukaga kunganya na Rutsiro 2-2,yiyunze n’abafana bayo itsinda Bugesera FC idakunze kuyigora.
Ku munota wa 35 w’umukino, Rayon Sports yafunguye amazamu ku gitego cyatsinzwe na Nishimwe Blaise n’umutwe ku mupira wari uhinduwe na Nizigiyamana Karim Mackenzie.
Bidatinze, yaje gutsinda igitego cya 2 ku munota wa 43 gitsinzwe na Onana Willy Essombe. Amakipe yagiye kuruhuka ari 2-0.
Ku munota wa 50, Rayon Sports yakoze impinduka havamo Niyigena Clement wagize ikibazo cy’imvune hajyamo Mugisha Francois Master. Ku munota wa 68, Youssef yahaye umwanya Sadjati.
Ku munota wa 73, Rayon Sports yatsinze igitego cya 3 gitsinzwe na Steve Elumanga nyuma y’uko umunyezamu Amani yananiwe gufata Umupira ngo awugumane.
Bugesera FC yaje kubona igitego cya mbere ku munota wa 75 kuri coup franc yari itewe na Rafael, ni nyuma y’uko myugariro Ndizeye Samuel yari akoze umupira. Umukino waringiye ari 3-1.
Uko imikino yose y’umunsi wa 3 yagenze
Ku wa Kane tariki ya 18 Ugushyingo
Gorilla FC 0-1 AS Kigali
Espoir FC 0-0 Gicumbi FC
Ku wa Gatanu tariki ya 19 Ugushyingo
Marines FC vs Mukura VS&L (wasubitswe)
Gasogi United 3-2 Rutsiro FC
Kiyovu SC 1-1 Police FC
Ku wa Gatandatu tariki ya 20 Ugushyingo
Rayon Sports FC 3-1 Bugesera FC
Etincelles FC vs APR FC (wasubitswe)
Etoile de l’Est 2-3 Musanze FC