Print

Umwana w’umuhungu yakuwe muri moteri y’indege yari yihishemo ngo ajye mu mahanga

Umuhungu ukiri muto wifuzaga cyane kujya mu mahanga yakoze agashya yihisha muri moteri y’indege, ariko atabwa muri yombi n’abapolisi atageze ku ntego ye.

Amashusho yagiye ahagaragara yerekanye uyu mwana amanuka avuye muri moteri y’indege,afite agasakoshi karimo ibintu bye.

Izina ry’ikibuga cy’indege ibi byabereyeho ntikiramenyekana, ariko videwo yasangijwe kuri Instagram na Tunde Ednut yerekana abapolisi basaba uyu muhungu kuva muri iyo moteri arasohoka.

Kubera ko yabishakaga cyane, amaherezo yamanutse abifashijwemo n’abashinzwe umutekano. Yagize amahirwe yo kuvumburwa hakiri kare kuko iyo iyi ndege ihaguruka akirimo yari gupfa.