Buffon yahishuye uko Cristiano Ronaldo yasenye bikomeye Juventus
Icyamamare muri Juventus, Gianluigi Buffon, yatangaje ko Cristiano Ronaldo yangije amahirwe y’ikipe yabo yo gutwara igikombe cya Shampiyona.
Ronaldo w’imyaka 36, yinjiye muri Juventus muri 2018 nyuma y’umwaka umwe bageze ku mukino wa nyuma wa Champions League.
Nubwo Buffon yari muri Paris Saint-Germain ubwo Ronaldo yageraga muri Turin, avuga ko iyi kipe yangiritse ubwo yagarukaga muri 2019.
Juventus yasubiye inyuma cyane muri Champions League iri kumwe na Ronaldo ndetse Buffon yemera ko iyi kipe yatakaje ’ADN’ yayo nyuma yo kwakira CR7.
Buffon yabwiye TUDN.com ati: “Juventus yagize amahirwe yo gutwara igikombe cya Shampiyona umwaka wa mbere ahageze, niwo mwaka nari i Paris Saint-Germain, kandi sinashoboye kumenya uko byagenze.
Ngarutse, nakoranye na CR7 imyaka ibiri kandi twakoranye neza, ariko ndatekereza ko Juventus yatakaje ADN yo kuba ikipe.
Twageze ku mukino wa nyuma wa Champions League muri 2017 kubera ko twari ikipe yuzuyemo abafite uburambe, ariko ikiruta byose twari ikipe yunze ubumwe kandi hariho irushanwa ryo gushaka umwanya wo gukina mu ikipe yari ikomeye cyane. Twarabitakaje kubera Ronaldo. ”
Birashoboka ko bitahuriranye kuba Ronaldo yaaravuye muri iyi kipe nyuma yo kugaruka k’umutoza Massimiliano Allegri.
Bivugwa ko uyu Mutaliyani yasabye umuyobozi wa Juventus,Andrea Agnelli,ko Juventus igomba kurekura Ronaldo.
Bivugwa ko Allegri yavuze ati: "Irukana Ronaldo, afunga iterambere ry’ikipe ndetse n’ikipe."
Ariko kuva uyu munya Portugal yava muri Juventus yagowe no kongera kuba ikipe nzima kuko yicaye ku mwanya wa gatanu muri Serie A.Irushwa amanota 12 na Inter Milan ya mbere.
Ronaldo akomeje kwigaragaza muri Untied kuko afite ibitego 13 mu mikino 18, nubwo hari ibitangazamakuru bimwibasira.