Print

Video ya The Ben aririmbana n’umukunzi we ikomeje Kuzamura amarangamutima ya benshi

Yanditwe na: Rebecca UFITAMAHORO 3 January 2022 Yasuwe: 2876

Videwo y’umuhanzi The Ben ari kuririmbana n’umukunzi we Miss Uwicyeza Pamella indirimbo “Why” yakoranye na Diamond ikomeje kuzamura amarangamutima y’abenshi.

View this post on Instagram

A post shared by THE BEN (@theben3)

Uyu muhanzi abinyujije kuri konti ye ya Instagram akurikirwa n’abarenga ibihumbi 585 ,asangiza abamukurikira videwo ka masegonda macye ari kuririmbana n’umukunzi we Miss Uwicyeza Pamella ,maze benshi mu bakarebye berekana ko babishimiye cyane.

The Ben kandi Mu butumwa aherutse guha abakunzi be bamukurikirana kuri paje ye ya facebook, yahishuye ko Miss Pamella ari we rukundo rwe rwa mbere anahishura ikintu gikomeye amukundira.

Ikibazo abakunzi be bamubajije cyagiraga giti’’Ni abakobwa bangahe waterese mbere y’uko ushaka Miss Pamella? Ni abakobwa bangahe mwakundanye (EX) mu buzima bwawe’’.

Uyu muhanzi mugusubiza kandi yahise amubwira n’impamvu akunda Miss Pamella agira ati’’ Ndagukunda kubera ko ufite impano, uri mwiza ndetse ufite n’ikinyabupfura.’’

‘Why’ indirimbo nshya ya The Ben na Diamond yasohotse mu buryo bw’amajwi kuri iki Cyumweru tariki ya 2 Mutarama 2022 imaze kurebwa n’abarenga ibihumbi 497 ku rubuga rwa YouTube.