Hope Azeda yegukanye igihembo gikomeye muri ‘Segal Center Award’
Hope Azeda umunyerewe mu guhanga amakinamico ari mu bantu icumi bahawe ibihembo bya Segal Center Award 2021, bisanzwe bigenerwa abantu bakoze ibihangano bihumuriza abantu muri Covid-19 mu 2020/2021.
Kuva Covid-19 yatangira ikigo Civic Engagement in the Arts cyahisemo abahanzi 300 baturuka mu bihugu 50 ku Isi yose bafite ibihangano bihumuriza abantu mu gihe cy’icyorezo.
Aba bantu 300 batanze ibihangano byabo bigaruka ku ruhare rwabo mu gufasha abantu muri Covid-19, akanama nkemurampaka gatoranya icumi bahize abandi barimo na Hope Azeda washinze Mashirika.
Ibi bihembo bitangirwa muri New York akaba arinaho biteganyijwe ko bizatangirwa ku wa 22 Mutarama. Mu bihe bya Covid-19, Hope Azeda yakoze ibihangano birimo Stop, Breath na Rebirth byatangaga icyizere.
Hope Azeda yabwiye The New Times ko anejejwe n’iki gihembo cy’ishimwe yahawe.
Uretse Hope Azeda, ibihembo nk’ibi byahawe Emmanuel Demarcy-Mota, muri University of Theatre and Film of Budapest, Umuhinde, Abhishek Majumdar, Umudage, Thomas Oberender, Umubiligi, Milo Rau n’Umurusiya, Kirill Serebrennikov.