Print

Gen Muhoozi yifurije Ian Kagame witegura kuba Ofisiye amahirwe Masa

Yanditwe na: SHEMA EMMANUEL 24 February 2022 Yasuwe: 3594

Nkuko amaze iminsi abigenza mu butumwa butandukanye akomeje gucisha ku rubuga rwe rwa twitter, Umuhungu wa Perezida Museveni akaba n’umugaba w’ingabo zirwanira ku butaka za Uganda, Lt Gen Muhoozi kuri iyi nshuro akaba yifurije umuhungu wa Perezida Kagame amahirwe ndetse anagaragaza ko amuzi kuva mu bwana bwe.

Mu butumwa bwe kuri twitter, Gen Muhoozi akaba yifurije uyu musore ukiri muto amahirwe muri Sandhurst ndetse anamubwira ko agomba gukomera, ntanukwiye kumutera Ubwoba kuko abiziko ari Umunyembaraga.

Ati " Umunyeshuli w’umwofisiye Ian Kagame, nkwifurije ibyiza muri Sandhurst! Komera, kandi ube fiti ntihakagire umuntu ugutera ubwoba! wahoze uri Umunyembaraga no mu bwana bwawe. Ndibuka urwana na so nanjye. ibande ku masomo yonyine kandi uzabikora! Ntewe ishema nawe!

Officer Cadet Ian Kagame, I wish you all the best in Sandhurst! Be strong, be very fit and let nobody intimidate you! You were always strong even as a young child. I remember you fighting your father and me. Focus on the course alone and you will make it! I am proud of you! pic.twitter.com/5IB0Rbb3aY

— Muhoozi Kainerugaba (@mkainerugaba) February 23, 2022

Bivugwa ko Ian Kagame, azasoza amasomo ye muri Gicurasi 2022, akaba azahabwa ipeti rya Sous-Lieutenant.

Nyuma y’ubu butumwa, Gen Muhoozi yacishije kuri twitter, abantu benshi bakomeje kugaragaza ko uyu yaba atariwe ukomeje kwandika ubutumwa nk’ubu mu bihe bitandukanye ahanini bwaba ubugaruka kuri Perezida Kagame ndetse n’umuryango ibintu bamwe baboneka bidakwiye Jenerali nkawe.

Gusa nanone abakurikiranira hafi iby’umubano w’u Rwanda na Uganda, bakemeza ko ari uburyo bwiza bwo kugaragariza abaturage b’ibihugu byombi ubushake afite mu kuzahura uyu mubano umaze igihe waratesekaye.