Print

Rayon Sports yahagamwe na Espoir FC yuzuza imikino 3 nta ntsinzi

Yanditwe na: Dusingizimana Remy 12 March 2022 Yasuwe: 1374

Ikipe ya Rayon Sports yaherukaga kunganya na Etoile de l’Est na APR FC,yanganyije igitego 1-1 na ESPOIR FC mu mukino w’umunsi wa 21 wa shampiyona wabereye kuri stade ya Kigali.

Muri uyu mwaka w’imikino 2021/2022, Rayon Sports yananiwe gutsinda Espoir FC kuko no mu mukino ubanza bangahyije ibitego 2-2.

Rayon Sports yatangiye nabi umukino w’uyu munsi kuko yinjijwe igitego kare ku munota wa 14 kuri penaliti yinjijwe neza na Ndikumana Tresor.

Rayon Sports yabonye igitego cyo kwishyura gitsinzwe na Mussa Essenu ku munota wa 40 w’umukino.

Igice cya kabiri Rayon Sports yaje ishaka amanota 3 ariko ba Rutahizamu bayo barayitenguha by’umwihariko uyu Essenu wabonye amahirwe yo gutsinda ariko umupira ugarurwa n’igiti cy’izamu.

Kugeza ubu hamaze gukinwa imikino 21 kuri amwe mu makipe, APR FC ni iya mbere n’amanota 44 inganya na Kiyovu Sports ariko ikayirusha ibitego 3 mu byo zizigamye kuko izigamye 18, Kiyovu Sports ikazigama 15.Mukura ni iya 3 ifite amanota 36, Rayon Sports 35, AS Kigali 32, Musanze FC 31 ni mu gihe Police FC ari iya 7 n’amanota 30.

Uyu munsi kandi,Rutsiro FC yanganyije igitego 1-1 na Bugesera FC.Bugesera yujuje imikino 6 yikurikiranya idatsinda.

Imikino itegerejwe ejo:

Ku Cyumweru tariki ya 13 Werurwe 2022

Gasogi United FC vs Etoile de l’Est FC (Kigali Stadium, 15h00)
SC Kiyovu vs Etincelles FC (Kigali Stadium, 12h30)
Mukura VS&L vs APR FC (Huye Stadium,15h00)
Marines FC vs Police FC (Umuganda Stadium, 15h00)

Ku wa Mbere tariki ya 14 Werurwe 2022

AS Kigali vs Gicumbi FC (Kigali Stadium, 15h00)
Gorilla FC vs Musanze FC ( Kigali Stadium,15h00)

.