Arsenal yisubije icyubahiro imbere Chelsea iyitsinda ibitego 4
Nyuma yaho umutoza wa Arsenal Mikel Arteta ashimiye rutayizamu wayo Eddie Nketiah kubwo kwitwara neza mu mikino iheruka ,kuri uyu wa gatatu ku mukino wa shampiyona w’umunsi wa 32 usize Chelsea isigara mu gahinda nyuma yo gutsindwa na Arsenal ibitego 4-2.
Uyu mukino watangiye ku isaha ya 20h45 za Kigali, Arsenal ishaka umwanya wo mu makipe ane ya mbere kuko yagiye gukina ibizi ko Manchester United yatsinzwe na Liverpool FC.
Abakinnyi babanje mu kibuga ku ruhande rwa Chelsea: Mendy; James, Christensen, Sarr; Azpilicueta (c), Loftus-Cheek, Kante, Alonso; Mount; Lukaku, Werner Abasimbura: Kepa, Chalobah, Thiago Silva, Jorginho, Saul, Barkley, Havertz, Pulisic, Ziyech
Ku munota wa 13 gusa byari bihagije ko Nketiah aba yafunguye amazamu, Arsenal itangira kubikamo ubwoba Chelsea. Ku munota wa 17 nyuma y’imikino ine gusa Werner ni we wateretse igitego mu izamu, Chelsea iba irishyuye.
Ku munota wa 27 Smith Rowe yatsinze igitego cya kabiri cya Arsenal, ikipe ikomeza kuyobora umukino. Bidateye kabiri Azpilicueta yatsinze igitego cya Chelsea amakipe anganya 2-2, igice cya mbere kirangira uko.
Abakinnyi Arsenal yabanje mu kibuga: Ramsdale; Holding, Gabriel, White, Tavares, Elneny, Xhaka, Odegaard, Saka, Smith Rowe, Nketiah Abasimbura: Leno, Cedric, Swanson, Lokonga, Azeez, Hutchinson, Martinelli, Pepe, Lacazette
Mu gice cya kabiri ku munota wa 57 Nketiah yatsinze igitego cya kabiri kikaba icya 3 cya Arsenal, umukino wenda kurangira Bukayo Saka atsinda igitego cya penaliti umukino urangira ari ibitego 4 bya Arsenal kuri 2 bya Chelsea yari yakiriye umukino.