L’ONU Isaba iperereza ku Bwicanyi bubera muri Darfur
Umukuru w’agashami ka ONU gashinzwe uburenganzira bwa muntu yavuze ko ababajwe n’ubwicanyi bwiyongereye mu ntara ya Darfur ya Sudani, inyuma y’aho mu minsi ishize hiciwe abantu barenga 200.
Abo mu bwoko bw’aba Massalit hamwe n’abarabu barashyamiranye kuva ku wa gatanu i El Geneina, mu murwa mukuru wa leta ya Darfur y’uburengerazuba.
Humvikanye urusaku rw’imbunda nyinshi kuva ku mugoroba wo kuwa gatatu muri El Geneina, nkuko byavuzwe na Adam Regal uyoboye ishyirahamwe ryigenga rikurikiranira hafi impunzi n’abakuwe mu I Darfur.
Umuyobozi w’intara ya Darfur mu burengerazuba, Khamees Abkar yavuze ko ibi bitero bigize ibyaha ku kiremwa muntu, aho abantu 201 bishwe abandi 103 barakomereka mu mpera z’icyumweru gishize.
Michelle Bachelet uyobora ishami rishinzwe uburenganzira bwa muntu muri ONU, yasabye ko haba iperereza rigaragaza neza uwagize uruhare muri byo bitero byatumye abantu bahatikirira.
Akanama ka l’ ONU gashinzwe amahoro n’umutekano i New York karaye gakoze inama yihuta yabereye mu mu muhezo kuri ubwo bwicanyi muri Darfur.