Senegal: Impinja 11 zikivuka zapfuye zihiriye mu bitaro
Byabereye mu bitaro byafashwe n’inkingo y’umuriro mu mujyi wa Tivaouane mu burengerazuba bwa Senegal.
Mu ijoro ryo kuwa gatatu, Perezida Macky Sall yanditse kuri Twitter ko “yagize akababaro ko kumenya” urupfu rw’izo mpinja, “mu muriro wafashe igice kivurirwamo impinja” mu bitaro bya Mame Abdou Aziz Sy Dabakh.
Macky Sall yanditse ati: “Kuri ba nyina n’imiryango yabo, ndabihanganishije bikomeye”.
Tivaouane iri muri 120km uvuye mu murwa mukuru wa Dakar.
Uyu muriro wavuye kuri ‘circuit’ y’amashanyarazi, nk’uko Diop Sy umunyapolitiki wo muri ako gace yumvikanye abivuga.
Minisitiri w’ubuzima muri Senegali, Abdoulaye Diouf Sarr, kuri televiziyo yigenga,TFM yavuze ko " iperereza ryibanze, ryagaragaje ko Circuit ntoya ariyo yateje umuriro".
Sarr, uri i Geneve mu nama y’ubuzima ku isi, yavuze ko azasubika urugendo maze akagaruka muri Senegal igitaraganya.
Umuyobozi w’akarere ka Tivaouane, umwe mu mijyi ikomeye ya Senegali hakaba n’ahantu hakorerwa ubwikorezi, Demba Diop Sy, yavuze ko abapolisi n’abashinzwe kuzimya umuriro bari bakiri mu bitaro, ariko ntiyatanga ibisobanuro birambuye.
Ibi bitaro ntabwo biramara igihe kinini bifunguwe.