Cristiano Ronaldo na Lionel Messi ntibari mu bakinnyi 100 bahenze ku isi [Urutonde]
Rutahizamu w’Umufaransa ukinira Paris Saint-Germain, Kylian Mbappe yagizwe umukinnyi w’umupira w’amaguru uhenze kurusha abandi bose ku isi mu bushakashatsi bwakozwe na CIES Football Observatory.
Uyu mufaransa yahawe agaciro ka miliyoni 175 z’amapawundi,bimushyira imbere ya Vinicius Jr. wa Real Madrid ndetse na rutahizamu mushya wa Manchester City,Erling Haaland.
Uyu munya Norway w’imyaka 21 ni we mukinnyi wo muri Premier League wahize abandi, afite agaciro ka miliyoni 130 z’amapawundi akubye inshuro ebyiri ayo City yatanze muri Borussia Dortmund kuri uyu rutahizamu .
Bagenzi be bashya Phil Foden,Ruben Dias, ndetse na Luis Diaz wa Liverpool, ni bo bandi bonyine bakina mu cyiciro cya mbere mu Bwongereza binjije mu 10 ba mbere, mu gihe umukinnyi wo hagati wa Dortmund, Jude Bellingham ariwe mwongereza waje hafi kuri uru rutonde aho yagenewe agaciro ka miliyoni 114.
Kuri uru rutonde kandi ntabwo hagaragayeho abakinnyi b’ibyamamare Cristiano Ronaldo na Lionel Messi.
Ahandi, Gianluigi Donnarumma wa PSG niwe munyezamu uhenze ku isi.
Naho Darwin Nunez ushobora kuza muri Premier League yashyizwe ku rutonde nk’umukinnyi mwiza ku isi hanze ya shampiyona eshanu za mbere Iburayi.
Umunya Portugal Rúben Dias niwe uhenze muri ba myugariro bo hagati: € 110M. Gianluigi Donnarumma (€ 74M) ayoboye urutonde rw’abazamu, Trent Alexander-Arnold (€ 87M) ayoboye ab’inyuma iburyo na Pedri González (€ 135M) ku bakinnyi bakina hagati. Rutahizamu wa Benfica. Kevin de Bruyne w’imyaka 30 y’amavuko (76th, € 57) niwe mukinnyi ukuze kuri urutonde rw’abakinnyi 100 ba mbere bahenze ku isi, naho Pablo Gavi w’imyaka 17 (73, € 58M) niwe muto.
Abakinnyi bahenze kurusha abandi bose ku isi