Marcelo yatanze igisubizo gitangaje ubwo yabazwaga niba azemera guhangana na Real Madrid
Ikipe ya Real Madrid yasezeye ku mugaragaro k’uwari kapiteni wayo,Marcelo Viero wayigezemo muri 2006 akayihesha ibikombe 25 ari nako agira uruhare rukomeye mu ntsinzi z’iyi kipe.
Kuri uyu wa Mbere habaye umuhango ukomeye wo gusezera kuri uyu mukinnyi aho yavuze amagambo atangaje mu gusezera kuri iyi kipe y’ubukombe ku isi.
Uyu mukinnyi wari umaze imyaka 15 akinira Real Madrid yavuze ko ikintu yishimira ari uko "yakiniye ikipe ya mbere ku isi" ndetse aboneraho kwemeza ko adasezeye ku mupira w’amaguru ndetse nahura nayo azayigora.
Marcelo yagize ati: “Sindasezera, si nonaha. Ndumva nshobora gukomeza gukina. Guhura na Real Madrid? Ntabwo bizaba ikibazo. Ndi umufana wa Real Madrid [Madridista] gato ariko ndi umunyamwuga ukomeye ”.
Yongeyeho atii: ’Nakiniye ikipe ikomeye kurusha izindi ku isi.’
Ndashaka gushimira umugore wanjye Clarice, ntabwo nari kuba umugabo ndiwe ubu ntamufite.Ndashimira kandi abahungu banjye barebaga papa wabo akinira ikipe ya mbere ku isi. ’
Ubwo Marcelo yageraga muri Real Madrid, umunyabigwi Raul yari mu mpera z’umwuga we ariko yasigiye urwibutso rukomeye uyu munya Brazil.
Marcelo yashimiye uyu munyabigwi ati: ’Warakoze Raul kuba warambereye kapiteni n’intangarugero. Ntabwo nigeze mbivuga ariko wabaye icyitegererezo cyanjye. Warakoze. ’
Raul yagaragaye mu mbaga y’abantu bari baje gusezerera kuri Marcelo wamuvuzeho amagambo meza kandi amukora ku mutima.
Marcelo uheruka kuzamura igikombe cya 14 cya Champions League muri iyi kipe, mu marira menshi yavuze ko atari ’gusezera’ kuko atigeze yiyumvamo ko avuye muri Real Madrid.
Ati: "Ibi ntabwo ari ugusezera kuko ndiyumvamo ko ntavuye muri Real Madrid."
Perezida wa Real Madrid,Florentino Perez yagize ati ""Uyu munsi turashimira kapiteni wacu ukomeye, umwe mu bakomeye b’iyi kipe ndetse akaba umukinnyi ufite ibikombe byinshi mu mateka ya Real Madrid. Marcelo."
Mukundwa Marcelo, wakabije inzozi zose wageze hano ufite ku myaka 18. Ibikombe 25, imikino 564, n’ibitego 38. Uri umwe mu bakinnyi bakomeye cyane baca ku ruhande rw’ibumoso twagize mu ikipe yacu ndetse no mu mupira w’amaguru ku isi.
Dutewe ishema no kuba twaragize amahirwe yo kugira umukinnyi nkawe wakiniye ikipe yacu imyaka myinshi."
Ibikombe Marcelo yatwaye:
La Liga: 2006–07, 2007–08, 2011–12, 2016–17, 2019–20, 2021–22
Copa del Rey: 2010–11, 2013–14
Supercopa de Espana: 2008, 2012, 2017, 2019–20, 2021–22
UEFA Champions League: 2013–14, 2015–16, 2016–17, 2017–18, 2021–22
UEFA Super Cup: 2014, 2016, 2017
FIFA Club World Cup: 2014, 2016, 2017, 2018