Dore amagambo buri mugore yishimira kubwirwa n’umugabo we
Amwe mu magambo buri mugore wese yishimira kumva iyo ayabwiwe n’umugabo we.
1. Uri mwiza
Utitaye ku myaka ye, ingano ye n’igihe mumaze mubanye, umugore wese akunda kumva abwirwa ko ari mwiza, agukurura( attractive). Mu mwanya wo kumubwira ngo “ urasa neza” koresha utugambo tugufi nka “ byizaaa !urashimishije.
2. Uri umubyeyi mwiza n’umugore mwiza
Niba ushaka gutuma umugore yirirwa yishimye umunsi wose, renga ibyo kumubwira amagambo amenyereye nka “urakoze” umushimire ku kuba ari umugore mwiza n’umubyeyi mwiza.
3.Ihangane wagize umunsi mubi
Iri jambo rituma umugore wawe amenya ko uba umwitayeho nuko ubuzima bwe bw’umunsi bwangenze.
4.Ndagukunda cyane
Wari wumva amagambo meza akurikira ijambo “ ndagukunda ?” kubwira umugore wawe ko umukunda ni itangiriro nziza, gusa biba akarusho iyo umubwiye impamvu umukunda, ingano y’urukundo umukunda kandi ko uzahora umukunda ibihe byose. Ibyo binezeza umutima we kurushaho.
5.Ntawundi mugore nashaka atari wowe
Iri jambo rituma yumva ko umwizera kandi ko wishimiye kuzabana nawe iteka.
6.Reka nkukorere kiriya
Umugore wawe ahora abona ko uva ku kazi unaniwe kandi nawe nuko aba yananiwe. Ni byiza rero ko umufasha uturimo duto utari usanzwe umufasha gukora nko guhanagura ku meza mumaze kurya, gutera ipasi, n’indi mirimo utari usanzwe ukora mu rugo.
7.Ni gute nakubera umugabo mwiza kurushaho ?
Kumva aya magambo ku mugore wawe bishobora kumutera amarangamutima( emotion) akaba yanarira, cyangwa se agaseka nk’akana gato. Igihe umubajije iki kibazo jya uha agaciro igisubizo aguhaye.
8. Reka ndebe abana
Niba usanzwe wita ku bana ni byiza cyane, niba utajyaga ubikora gerageza ubikorere umugore wawe nawe aruhuke kuko ubuzima butaruhuka buravuna ikindi kumubwira gutya bituma abona ko inshingano zo kwita ku bana atari ize wenyine ahubwo afite gushyigikirwa.