Hamenyekanye akayabo Sadio Mane agiye kuzajya ahembwa muri Bayern Munich
Umushahara wa Sadio Mane muri Bayern Munich,uramugira umwe mu bakinnyi bahembwa menshi ku isi.
Uyu mukinnyi mpuzamahanga wa Senegal yavuze ko Mane yamaze kwinjira mu bakinnyi bahembwa menshi ku isi nyuma yo gushyira umukono ku masezerano y’imyaka 3 akinira ikipe ya Bayern aho yaguzwe miliyoni 35 z’ama pound mu ikipe ya Liverpool.
Ikinyamakuru Bild cyatangaje ko Mane azajya ahembwa miliyoni 17 z’amapound ku mwaka muri Bayern nyuma yo gusinya amasezerano azageza mu 2025.
Iyi myaka 3 izarangira ahembwe miliyoni 51 z’ama pound n’iiyi kipe ya mbere mu Budage.
Mane yatangaje ko yifuza kuva kuri Anfield nyuma y’imyaka itandatu ayigezemo muri gusa byababaje abakinnyi ba Liverpool kuko yari umwe mu bakinnyi Jurgen Klopp agenderaho.
Kuva yasinyira The Reds kuri miliyoni 34 z’ama pound avuye muri Southampton, Mane yateye imbere yinjira mu bakinnyi beza mu mupira wamaguru ku isi kuko yari umwe mu bakinnyi batatu bakomeye muri Liverpool hamwe na Roberto Firmino na Mo Salah.
Muri rusange, Mane yakiniye Liverpool imikino 269 mu marushanwa yose, atsinda ibitego 120.
Mu myaka itandatu yamaze muri Liverpool, yatwaye Premier League, Champions League, FA Cup, Carabao Cup, UEFA Super Cup na FIFA Club World Cup.
Ubaze mu mayero,Sadio Mane azajya yinjiza miliyoni €19,800,000 ku mwaka,€1,650,000 ku kwezi na €412,500 ku cyumweru.