Irani irashinjwa kuzitira ibiganiro biha umurongo ikorwa ry’ibitwaro kirimbuzi
Ibiganiro bishya hagati ya Leta zunze ubumwe za Amerika na Irani ku kugaruka mu masezerano ya Nikereyeri yo mu 2015 byarangiye ntacyo bigezeho.
Abadiplomate bavuze ko Irani yazanye ku meza ibindi byifuzo bishya isaba ko byubahirizwa mu ikorwa ry’ibyo bitwaro kirimbuzi.
Intumwa y’Ubufaransa muri ONU, Nicolas de Riviere, yabwiye akanama ka ONU gashinzwe amahoro n’umutekano ko Irani yaanyee ibindi bibazo bitari ku murongo w’amasezerano. We n’abandi badiplomate ntibasobanuye ibyo bishyashya byasabwe na Irani.
Akanama ka ONU gakora inshuro ebyiri buri mwaka kugira ngo karebe uburyo amasezerano yubahirijwe.
N’ amasezerano yasinywe mu 2015 aho Irani yemerewe gukurirwaho ibihano nayo yemera gusubira kuri gahunda yayo ya Nikereyeri.
Irani irahakana ko gahunda yayo igamije gutunga no gukora ibitwaro bya kirimbuzi ku bwinshi.
Kuri leta ya Donald Trump, USA yikuye muri ayo masezerano mu 2018, ihita isubizaho ibihano.
Mu 2019, Irani yahise isubizaho umugambi wayo wo gukora ku bwinshi ibitwaro bikoranye ubutare bwa iraniyumu (Nikereyeri).
Nyuma ya Irani na Amerika, ibindi bihugu biri muri ayo masezerano ni Ubwongereza, Ubushinwa, Ubufaransa, Uburusiya, hamwe n’Ubudagi.