Reba uburanga bw’abakinnyi ba Arsenal y’abagore basuye ingagi mu Birunga [AMAFOTO]
Abakinnyi ba Arsenal y’Abagore barimo Caitlin Foord, Jordan Nobbs, Jen Beattie na Katie McCabe bari mu Rwanda muri gahunda ya #VisitRwanda, basuye ibice bitandukanye by’igihugu birimo na Pariki y’Ibirunga.
Kuri uyu wa Kane tariki ya 7 Nyakanga 2022, Visit Rwanda ibinyujije ku rukuta rwayo rwa Twitter yatangaje ko abakinnyi 4 b’ikipe ya Arsenal y’Abagore bari mu Rwanda basuye bimwe mu byiza nyaburanga bitatse igihugu birimo na Pariki y’Ibirunga.
Abakinnyi 4 ba Arsenal bari mu Rwanda bayobowe na rutahizamu w’umunya-Australia(kazi), Caitlin Jade Foord, Umwongerezakazi ukina mu kibuga hagati,Jordan Nobbs, Umunya-Ecosse ushobora gukina nka myugariro cyangwa mu kibuga hagati, Jennifer Patricia Beattie ndetse na rutahizamu w’umunya-Ireland Katie McCabe.
Ibinyujije ku rukuta rwa Twitter, Visit Rwanda yagize iti: “Twasuye ibyiza nyaburanga bitatse Pariki y’Ibirunga. Abakinnyi 4 ba Arsenal y’Abagore barimo @caitlinfoord, @jordannobbs8, @jbeattie91 na @katie_mccabe11 basuye Ingagi zo mu birunga”.
