Inshuti ya Cristiano Ronaldo yaciye amarenga y’ikipe ashobora kwerekezamo
Inshuti ya Cristiano Ronaldo yitwa Edu Aguirre yatangaje mu myaka yashize ko azava muri Real Madrid bikaba yatangaje ko kuri iyi nshuro azakinira Chelsea mu mwaka w’imikino utaha.
Uyu mukinnyi wa Manchester United arashaka kuva kuri Old Trafford muri iyi mpeshyi kugira ngo ahatanire ibikombe cyane ko Manchester United itakiri kuri urwo rwego.
Nk’uko Ikinyamakuru Mundo Deportivo kibitangaza, ngo iyi nshuti ya Ronaldo Aguirre yatangiye gukurikira Chelsea kuri Instagram.
Nubwo Cristiano Ronaldo atarahishura neza aho azerekeza,Aguirre yahanuye aho CR7 azerekeza.
Muri 2018, uyu wakoreye El Chiringuito yatangaje bwa mbere amakuru avuga ko Ronaldo ashaka kuva muri Real Madrid nyuma y’imyaka icyenda,birangira koko agiye.
Birashoboka ko ariyo mpamvu abakunzi benshi ba ruhago bahuje ibi no kuba uyu munyabigwi yakwerekeza muri Chelsea.
Umwe yanditse kuri Instagram ati: "Urakoze kwemeza ko CR7 agiye muri Chelsea kubera kuyikurikira."
Nyiri Chelsea, Todd Boehly, bivugwa ko ari we ufite ubushake bukomeye bwo kuzana uyu mukinnyi w’imyaka 37 muri Chelsea.
Bivugwa ko Boehly yahuye na Jorge Mendes, ushakira amakipe Ronaldo mu kwezi gushize,baganira uko yamuha uyu mukinnyi.
Umutoza wa Chelsea, Thomas Tuchel, bivugwa ko adashaka cyane Ronaldo.