Kaminuza y’u Rwanda yahawe abayobozi bashya by’agateganyo
Yanditwe na: Dusingizimana Remy
16 July 2022
Yasuwe: 2032
Perezida wa Repubulika Paul Kagame yagize Dr Didas Kayihura Muganga, Umuyobozi Mukuru wa Kaminuza y’u Rwanda w’agateganyo.
Na ho Dr Raymond Ndikumana agirwa Umuyobozi Mukuru wungirije ushinzwe igenamigambi n’imiyoborere muri iyi kaminuza.
Dr Didace Kayihura Muganga wagizwe umuyobozi w’agateganyo wa Kaminuza y’u Rwanda,asanzwe ari perezida wa njyanama y’umujyi wa Kigali.
Ku wa 6 Gicurasi 2022 nibwo Prof Alexandre Lyambabaje yeguye ku mwanya w’Umuyobozi Mukuru wa Kaminuza y’u Rwanda (UR) kugira ngo atangire ikiruhuko cy’izabukuru.
Prof Lyambabaje yahise asimbuzwa Prof. Nosa Egiebor wagizwe Umuyobozi w’agateganyo wa UR.
