Umugore wa Messi yaciye ibintu kubera siporo yagaragaye akora [AMAFOTO]
Umugore wa Lionel Messi,Antonela Roccuzzo yaciye ibintu ku mbuga nkoranyambaga kubera siporo ya yoga yafotowe ari gukora.
Antonella yifotoje ari gukora yoga yambaye imyenda y’umukara aho benshi batari basanzwe bazi ko yitoza cyane.
Uyu munya Argentine yasangije ayo mafoto abamukurikira kuri Instagram basaga miliyoni 20.
Yayanditseho ati: "Turacyakora imyitozo."
Messi nawe yatunguwe n’ayo mafoto ndetse atanga igitekerezo cya emojis eshatu z’umutima.
Abafana nabo batanze ibitekerezo byinshi bashima cyane uyu mugore ndetse abenshi batangariraga ubwiza bwe.
Messi akomeje kubana neza na Antonela, umukunzi we wo mu buto bashyingiranwe ku mugaragaro muri 2017 nubwo umubano wabo watangiye muri 2008.
Messi na Antonela bafitanye abahungu 3 barimo Thiago w’imyaka 10, Mateo, 7, na Ciro, 4.
