U Rwanda habuze gato ngo rutware umudali mu mikino ya Commonwealth
Ikipe y’u Rwanda ya Beach Volley mu mikino ya Commonwealth Games yafashe umwanya wa 4 nyuma yo gutsindwa n’Ubwongereza seti 2 – 0 ku cyumweru.
Wari umukino wo guhatanira umwanya wa gatatu, w’umudari wa Bronze.
Iyi kipe ya Ntagengwa Olivier na Gatsinzi Vénuste yatsinze imikino y’amajonjora igera muri 1/2, aha yatsinzwe na Australia seti 2 – 0.
Iyi mikino irimo kubera i Birmingham irarangira uyu munsi kuwa mbere.
Kugeza ubu amakipe yo koga, kwiruka, gusiganwa ku igare, na Beach volley, yaserukiye u Rwanda, arataha nta mudari n’umwe yegukanye.
Uko ibihugu bimaze kwegukana imidari muri rusange kugeza ubu;
Australia 174
Ubwongereza 166
Canada 91
Ubuhinde 55
Africa:
Nigeria 35
Afurika y’Epfo 27
Kenya 21
Uganda 5
Ghana 5
Mozambique 3
Cameroun 3
Zambia 3
Tanzania 3
Botswana 2
Namibia 4