APR FC yongeye gutombora ikipe y’Abarabu mu mikino ya CAF/AS Kigali izajya muri Djibouti
Ikipe ya APR FC yatomboye US Monastir yo muri Tuniziya, mu ijonjora ry’ibanze ry’amarushanwa nyafurika ahuza amakipe yabaye aya mbere iwayo CAF Champions League.Izakomeza izahura na Al Ahly SC yo mu Misiri.
Kuri uyu wa Kabiri, tariki ya 9 Kanama, ni bwo habaye tombora y’amarushanwa Nyafurika ahuza amakipe ku cyicaro cya CAF giherereye mu Misiri.
APR FC izahagararira u Rwanda muri CAF Champions League, yatomboye kuzahura na US Monastir yo muri Tunisia mu ijonjora rya mbere.
Imikino ibanza y’ijonjora rya mbere izaba hagati ya tariki ya 9 n’iya 11 Nzeri mu gihe iyo kwishyura izakinwa tariki ya 16-18 Nzeri 2022.
Mu mwaka ushize w’imikino, APR FC yasezerewe na Etoile du Sahel yo muri Tunisia mu ijonjora rya kabiri rya Champions League, ihita yerekeza muri CAF Confederation aho yasezerewe itageze mu matsinda.
Ikipa ya AS Kigali yatomboye Association Sportive d’Ali Sabieh/Djibouti Télécom yo muri Djibouti.Izarokoka izahura na Al Nasr (Libya) mu ijonjora rya kabiri.
Umukino ubanza uteganyijwe hagati ya 9-11/9/2022 naho uwo kwishyura ni 14-16/9/2022.
Comments
Tugirimana anathole 10 August 2022
Rayon turishimye cyane
DIOS 9 August 2022
Ntacyo nyijeje kbs , iyaba byashobokaga ko ntiyitabire isigare yitegurira championa gusa AS k yo ishobora kuzakomeza kuko muri Djibouti umupira wabo nabo urakiyubaka.