Umunyamakuru Uwimana Clarisse yasezeranye imbere y’amategeko n’umukunzi we
Umunyamakuru Uwimana Clarisse yasezeranye imbere y’amategeko na Kwizera Festus Bertrand,mu muhango wabereye ku murenge wa Kimironko wo mu karere ka Gasabo.
Kuri uyu wa Kane tariki ya 18 Kanama 2022 nibwo aba bombi basezeranye imbere y’amategeko mu gihe bitegura ubukwe bwabo.
Uwimana Clarisse na Kwizera Festus Bertrand bagiye gukora ubukwe nyuma y’imyaka ibiri bari mu munyenga w’urukundo.
Nkuko babigaragaje mu nteguza,ubukwe bwabo buteganyijwe tariki ya 3 Nzeri 2022.Umuhango wo gusezerana muri Kiliziya Gatolika,uzabera muri Sainte Famille.
Ku mugoroba wo ku Cyumweru tariki ya 19 Kamena 2022 ni bwo Festus Bertrand yasabye Uwimana Clarisse ko yazamubera umugore,nta kuzuyaza ahita abyemera.
Clarisse usanzwe ukorera B&B FM UMWEZI,yanakoreye ibitangazamakuru bitandukanye birimo City Radio, Contact FM, Flash FM, Vision FM n’Inkoramutima.
Comments
Alias 19 August 2022
Urugo ruhire. Umucuranzi ati mu Rukundo ntihaba parapara muzirinde parapara. Murakoze. Mwibuke ko amareshya mugeni atariyo amutunga.