Print

Yaciye agahigo ku isi ko kumara igihe kinini yicaye mu rubura

Umugabo ukomoka muri Poland witwa Łukasz Szpunar w’imyaka 53 yaciye agahigo maze yinjira mu gitabo cya Guinness World Records nyuma yo kumara mu rubura amasaha arenga 4.

Szpunar abaye umuntu wa mbere wicaye mu gasanduku ka barafu mu gihe cy’amasaha 4 n’iminota 2, arengeje iminota 50 ku gahigo kari gasanzweho.

Iri ntabwo ariryo rushanwa rya mbere kuri Szpunar, kuko yari yaregukanye umwanya wa kabiri mu marushanwa ya Walrus muri Poland, aho yamaze amasaha arenga ane mu gikombe cy’amazi akonje.

Mbere, aka gahigo kari gafitwe na Wim "The Iceman" Hof ukomoka mu Buholandi, aho we yari yamaze mu rubura isaha 1 n’iminota 53, agahigo yari yaciye mu 2013.