Ikigo gicuruza amashusho na televiziyo zigezweho cya StarTimes cyasinyanye amasezerano y’imikoranire n’Impuzamashyirahamwe y’Umupira w’Amaguru muri Aziya (AFC) yo kwerekana imikino y’ibihugu n’iy’amakipe yo muri Aziya muri Afurika yo munsi y’Ubutayu bwa Sahara muri uyu mwaka wa 2021.

Sponsored Ad

Imikino ya AFC izajya yerekanwa kuri Startimes ni ugushaka itike y’igikombe cy’isi muri aziya [FC Asian Qualifiers – Road to Qatar Final Round izageza ku wa 31 Ukuboza 2021. Hari kandi imikino y’amatsinda n’iya nyuma y’irushanwa rya AFC Champions League na AFC Cup 2021.

Kuva igeze ku isoko rya Afurika mu 2008, StarTimes yabaye ikigo cyihuse mu gusakaza amashusho ya televiziyo mu bihugu bisaga 30 kuri uyu Mugabane. Uyu munsi, StarTimes ifite abafatabuguzi basaga miliyoni 40.

Uretse amarushanwa ya AFC,Startimes yari isanzwe yerekana Bundesliga, UEFA Europa League, FA Cup na UEFA Euro 2020.

Umunyamabanga Mukuru wa AFC, Dato’ Windsor John, yagize ati “AFC yishimiye ubufatanye bushya bugamije kumenyekanisha umupira w’amaguru wa Aziya mu bihugu bya Afurika yo munsi y’ubutayu bwa Sahara kandi turashimira StarTimes ko yazirikanye agaciro k’amarushanwa ya AFC.”

Aya masezerano ntazongera gusa abakurikira amarushanwa yacu ku rwego rw’Isi, ahubwo azamenyekanisha isura ya AFC mu rwego rwo kugira ngo dukomeze gukorana n’umuryango w’abafatanyabikorwa bacu.”

Umuyobozi w’ishami rishinzwe ibikorwa bya StarTimes, Philippe Zizou, na we yavuze ko bishimiye ubufatanye bagiranye na AFC bwo kugeza umupira wa Aziya ku Banyafurika.

Ati “Umupira w’amaguru ni yo siporo ikunzwe cyane muri Afurika kandi Abanyafurika biteze kuryoherwa n’amarushanwa y’umupira w’amaguru. Ndizera neza ko bazishimira kureba amarushanwa ya AFC.”

Ushinzwe kugurisha umupira w’amaguru muri Asia (Football Marketing Asia (FMA,Patrick Murphy,usanzwe ari n’umuryango wa FMA,yavuze ati "Twishimiye kwakira Startimes nk’itangazamakuru tugiye gukorana muri Afurika yo munsi y’Ubutayu bwa Sahara.Twiteguye gukorana neza na Startimes kugira ngo umupira wa Aziya ushinge imizi muri ako gace."

StarTimes igaragaraho amashene asaga 700, aho 75% yayo ari ayo muri Afurika, andi 25% akaba mpuzamahanga arimo 1.5% yo mu Bushinwa.

Impuzamashyirahamwe y’Umupira w’Amaguru muri Aziya byasinyanye amasezerano, ni imwe muri esheshatu zigize FIFA, aho yashinzwe mu 1954 ndetse kuri ubu ikaba igizwe n’ibihugu binyamuryango 47.

Itegura amarushanwa arimo Igikombe cya Aziya mu bagabo n’abagore, ndetse n’irushanwa rya AFC Champions Leaue rihuza amakipe yo mu bihugu bitandukanye, rigakurikirwa n’abafana batari bake.