Mu kiganiro yagiranye na Irebe FM, Sat-B yavuze ko hashize igihe ibintu bitagenda neza hagati ye na Belle 9ice, kugeza aho buri wese afata inzira ye.

Yagize ati: “Tumaze igihe bitameze neza cyane. Belle Nice ntabwo akiri mu buzima bwanjye, nanjye sinkiri mu buzima bwe. Gusa ndamwubaha nk’umubyeyi twabyaranye.”

Yakomeje ashimangira ko nubwo batandukanye, nta makimbirane afitanye na we, ahubwo ko buri wese yubaha undi kubera umwana bafitanye.

Ku bijyanye n’ubuzima bwe bw’urukundo muri iki gihe, Sat-B yavuze ko ari wenyine nta mukunzi afite. Ati: “Ubu ndi single, nta mukunzi mfite. Nta mukobwa n’umwe uri mu mutima wanjye ubu. Ndigenga kandi ndizera ko bizakomeza.”

Sat-B na Belle 9ice bari bamaze igihe kinini bakundana, ndetse benshi babafataga nk’abashakanye nubwo batigeze basezerana imbere y’amategeko cyangwa ngo bakore ubukwe.

Urukundo rwabo rwanagize uruhare mu kumenyekanisha Belle 9ice, dore ko Sat-B yari asanzwe ari izina rikomeye mu muziki w’u Burundi no mu karere.

Nubwo batandukanye, bombi basigaye bahuzwa n’inshingano zo kurera umwana wabo Liam, bakaba bagaragaza ko bazakomeza gufatanya muri izo nshingano nubwo inzira y’urukundo yarangiye.

Sat-B yemeje ko we na Belle 9ice batandukanye nyuma y’urukundo rw’imyaka myinshi rwabyaye umwana witwa Liam

Sat-B yavuze ko urukundo rwabo rwageze aho rugera rukarangira, ariko ashimangira ko nta rwango ruri hagati yabo

Yagize ati “Ndabishyize ku mugaragaro. Tariki ya 18 Ugushyingo si bwo nzongera kwizihiriza isabukuru yanjye. Ndabasaba ko nta butumwa cyangwa impano nzakira kuri uwo munsi.”

Yakomeje asobanura ko yafashe icyemezo cyo kwimurira isabukuru ye ku wa 30 Ugushyingo, ashimangira ko ari icyemezo cye bwite.

Ati “Uhereye ubu, isabukuru yanjye izajya yizihizwa ku wa 30 Ugushyingo. Ni icyemezo cyanjye bwite, kandi ndabashimira uko muzabyumva.”

Iki cyemezo kije gikurikira umwuka mubi umaze igihe hagati ye n’impanga ye Paul ndetse n’umuvandimwe wabo mukuru Jude Okoye, wigeze no kuba umujyanama wabo mu muziki.

Aba bahanzi bombi bahoze bagize itsinda rikomeye rya P-Square ryamamaye muri Afurika no ku Isi, ariko baje gutandukana bitewe n’amakimbirane ashingiye ku micungire y’umutungo, imiyoborere ndetse n’ibibazo by’icyizere hagati yabo.

Nubwo bongeye kwiyunga mu 2021 ibintu byasaga n’ibisubira mu buryo, ntibyatinze kongera kuzamba.

Peter yagiye ashinja Paul na Jude kumusuzugura no kumwima uburenganzira ku mutungo wabo, mu gihe Paul we yigeze kuvuga ko Peter yabatanzeho amakuru mu kigo gishinzwe kurwanya ruswa n’ibyaha by’imari muri Nigeria, kizwi nka Economic and Financial Crimes Commission (EFCC).

Aya makimbirane yongeye gufata indi ntera muri Kamena 2025, ubwo Peter yatangazaga ko yamaze gucana umubano burundu n’umuryango we, by’umwihariko abavandimwe be.

Guhindura itariki yizihizaho isabukuru byafashwe na benshi nk’ikimenyetso gikomeye cy’uko uyu muhanzi atakiri mu murongo umwe n’impanga ye, ndetse ko ari indi ntambwe nshya mu buzima bwe bwo kwigenga, yaba mu muziki no mu mibereho ye bwite.

Guhindura itariki y’amavuko kwa Mr P byafashwe nk’ikimenyetso cy’itandukaniro rikomeye na Paul Okoye