Kuri iki cyumweru tariki 22 Mutarama 2023 habaye umuhango wo gusezera bwa nyuma ku munyamakuru Ntwali John Williams wahitanwe n’’impanuka y’imodoka.
Umuhango wo kumuherekeza no kumusezeraho bwa nyuma wabaye kuri iki Cyumweru, tariki 22 Mutarama 2023, umuhango wo kumusengera wabereye mu rusengero rw’Abadiventiste b’umunsi wa Karindwi ku Ruyenzi, ndetse ashyingurwa mu Irimbi rya Kamonyi.
Ni umuhango wari witabiriwe n’abarimo abo mu muryango we, inshuti, abavandimwe, abayobozi ba RMC (...)

Sponsored Ad

Kuri iki cyumweru tariki 22 Mutarama 2023 habaye umuhango wo gusezera bwa nyuma ku munyamakuru Ntwali John Williams wahitanwe n’’impanuka y’imodoka.

Umuhango wo kumuherekeza no kumusezeraho bwa nyuma wabaye kuri iki Cyumweru, tariki 22 Mutarama 2023, umuhango wo kumusengera wabereye mu rusengero rw’Abadiventiste b’umunsi wa Karindwi ku Ruyenzi, ndetse ashyingurwa mu Irimbi rya Kamonyi.

Ni umuhango wari witabiriwe n’abarimo abo mu muryango we, inshuti, abavandimwe, abayobozi ba RMC n’abanyamakuru bakoranye n’abandi bantu bagiye bamenyana na we mu buzima bwe yamaze ku Isi.

Ntwali John Williams yapfuye ku wa kabiri mu mpanuka nk’uko Umuryango wa nyakwigendera wabibwiwe na Polisi.

Aba bavuze ko ku mugoroba wo kuwa 19 Mutarama 2023 aribwo bamenye urupfu rwa Ntwali Williams barumenyeshejwe na Polisi y’u Rwanda.

Polisi yavuze ko impanuka “yabaye ku wa Kabiri, moto bariho igongwa n’imodoka, Ntwali arapfa, umumotari arakomereka.”

Umunyamakuru Ntwali John Williams yitabye Imana ku myaka 43,yasize umugore n’umwana umwe.

Yakoreye ibitangazamakuru bitandukanye birimo Radio Flash, City Radio (Igitaramo Umuco Utari Ico), yabaye Umwanditsi Mukuru w’Ikinyamakuru cyo kuri Internet IGIHE, yashinze ikinyamakuru Ireme News.net, yari afite YouTube channel yitwa Pax TV Ireme News anakorera The Chronicles.