Hirya no hino mu Gihugu, Abayislamu baramukiye mu isengesho ryo kwizihiza Umunsi mukuru wa Eid al-Fitr, umunsi usoza Igisibo Gitagatifu cya Ramadhan. Ni isengesho ryabaye hubahirizwa ingamba zo kwirinda icyorezo cya COVID-19.
Nubwo umwaka ushize batabashije gukora iri sengesho bari kumwe kubera ko icyorezo cya Covid-19 cyari kimeze nabi mu Rwanda,kuri uyu wa Kane babashije guhurira kuri Stade ya Kigali I Nyamirambo n’ahandi hose mu gihugu bakora iri sengesho ryo gusoza igisibo.
Mufti Salim (...)

Sponsored Ad

Hirya no hino mu Gihugu, Abayislamu baramukiye mu isengesho ryo kwizihiza Umunsi mukuru wa Eid al-Fitr, umunsi usoza Igisibo Gitagatifu cya Ramadhan. Ni isengesho ryabaye hubahirizwa ingamba zo kwirinda icyorezo cya COVID-19.

Nubwo umwaka ushize batabashije gukora iri sengesho bari kumwe kubera ko icyorezo cya Covid-19 cyari kimeze nabi mu Rwanda,kuri uyu wa Kane babashije guhurira kuri Stade ya Kigali I Nyamirambo n’ahandi hose mu gihugu bakora iri sengesho ryo gusoza igisibo.

Mufti Salim Hitimana yashimiye Leta y’u Rwanda kuba yemereye abayisilamu gukorera isengesho kuri stade ya Kigali mu kiganiro yahaye Flash FM.

Irayidi iba ku mpera y’igisibo gitagatifu cya Ramadan - ukwezi ko gusenga no kwiyiriza.

Izina "Eid al-Fitr" risobanuye "uguhimbaza guhagarika kwiyiriza".

Nko ku itangiriro rya Ramadan, Irayidi itangira ku mboneko nshya y’ukwezi.

Ku basilamu benshi mu Rwanda no mu Burundi, iyo mboneko y’ukwezi ni mu ijoro ryo ku wa gatatu.

Haba iki ku Irayidi?

Abayisilamu benshi barajya mu isengesho rya kare mu gitondo kuri uyu wa 13 z’ukwa gatanu.

Ni umugenzo kwambara imyenda mishya, kurya ibiryo biryoshye, no gusubiramo isengesho ryitwa takbeer.

Mbere y’isengesho ry’Irayidi, Abasilamu basabwa gutanga imfashanyo yitwa zakaat al fitr yo gufasha umukene.

Abantu benshi bishimira gusangira ifunguro rinini n’inshuti n’imiryango, no guhana impano - mu bihugu byinshi ku Irayidi ni umunsi w’ikiruhuko.

Niba ushaka kwifuriza umuntu irayidi nziza, uramuramutsa uti: "Eid Mubarak".