Ibikorwa byo gushakisha abafite aho bahuriye n’abamaze kwandura Coronavirus mu Rwanda biri gukorwa n’ikipe igizwe n’abantu 220
Yanditswe: Saturday 28, Mar 2020
Ibikorwa byo gushakisha abafite aho bahuriye n’abamaze kwandura Coronavirus mu Rwanda biri gukorwa n’ikipe igizwe n’abakozi 220 bo mu nzego zitandukanye.
Ni urugamba rugamije gushyira iherezo ku bwandu bushya bw’iki cyorezo mu Rwanda mu gihe cyose abaturarwanda bakomeza kuguma mu ngo zabo kugirango batagira aho bahurira n’abanduye.
Gushakisha umuntu wahuye n’umwe mu bamaze kwandura Coronavirus mu Rwanda byatangiye tariki 14 Werurwe uyu mwaka, ari nabwo hanatangajwe bwa mbere umuntu wagaragaweho n’ubwo bwandu.
Ikipe y’abantu bari hagati ya 6 na 8 niyo ikurikirana abagize aho bahurira n’umurwayi umwe wa Coronavirus, aho kuva iki gikorwa cyatangira, abantu 1281 ari bo byagaragaye ko bahuye na bamwe mu barwayi ba Coronavirus.
Barimo 473 bo mu Karere ka Kicukiro, 406 bo muri Gasabo, 168 bo mu Karere ka Nyarugenge, hakaba kandi 142 bo mu Karere ka Bugesera, 20 bo muri Rwamagana, 15 b’i Musanze na ho 13 bo mu Karere ka Karongi.
Kugeza ubu imibare ya Minisiteri y’Ubuzima igaragaza ko abantu 54 ari bo bamaze kwandura Coronavirus mu Rwanda. Bakaba bari ahantu bitabwaho, aho iyi minisiteri ivuga ko nta n’umwe urembye.
Leave a Reply
Your email address will not be published. Required fields are marked *