Kigali
startimes

Abantu benshi bakomerekeye mu mubyigano wo kujya kureba umurambo wa Mugabe wahoze ayobora Zimbabwe [AMAFOTO]

Amakuru   Yanditswe na: Dusingizimana Remy 14 September 2019 Yasuwe: 4636

Abantu benshi cyane babyiganye bajya kureba umurambo w’uwahoze ari perezida wa Zimbabwe Robert Mugabe uherutse gupfa afite imyaka 95,byatumye bamwe bahakomerekera cyane.



Umurambo wa Mugabe wagejejwe mu rugo rwe rwitwa “Blue Roof” mu ijoro ryo kuwa Gatatu ariko nyuma y’uko uzanwe muri stade Rufaro I Harare,abantu baraye babyiganye cyane bajya kuwureba bituma benshi bahakomerekera bikomeye.

Ibinyamakuru bitandukanye birimo News24 byatangaje ko nubwo polisi yari yakajije umutekano ndetse yashyizeho bariyeri zibuza abantu kwinjira ahari umurambo wa Mugabe,ngo abantu babyiganye bawerekezaho bituma benshi bakomereka bikomeye.

Uyu mubyigano wabaye kuwa Kane w’iki Cyumweru,watumye polisi yongera umutekano ndetse hazanwa abaganga benshi bo kuvura abakomerekeye muri uyu mubyigano batavuzwe umubare.

Ikinyamakuru SADC News cyavuze ko aba bantu bifuzaga kureba ku murembo wa Mugabe bwa nyuma ariyo mpamvu bakoze ibishoboka byose barabyigana berekeza aho wari uri bituma bamwe bakomereka cyane.

Uyu munsi hategerejwe umuhango wo kwibuka bwana Mugabe wayoboye Zimbabwe imyaka 37,uritabirwa n’abaperezida batandukanye,abayoboye ibihugu kera bari inshuti za Mugabe ndetse n’abanyacyubahiro batandukanye.

Biteganyijwe ko umuhango wo gushyingura perezida Mugabe uzaba mu cyumweru gitaha gusa ntabwo itariki iratangazwa.

Umuryango wa Mugabe na Leta ya Zimbabwe bemeranyije ko uyu mukambwe yashyingurwa mu irimbi ry’intwari i Harare aho kuba aho akomoka nkuko byari byifujwe.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 Yasuwe: 8161 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 11611 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 36075 8

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4864 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 6192 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18701 4