Kigali

Abasore 3 bafashwe bari gushaka kwiba imashini za Positivo mu kigo cya Groupe Scolaire Maya

Amakuru   Yanditswe na: Dusingizimana Remy 8 July 2019 Yasuwe: 3047

Abasore 3 bafashwe bari mu kigo cy’amashuli cya Groupe Scolaire Maya giherereye mu Murenge wa Gahunga, mu Karere ka Burera bari kugerageza kwiba imashini zo mu bwoko bwa Positivo zagenewe abanyeshuli.

Umwe mu bafashwe witwa Isaac wari uturutse i Rubavu yavuze ko impamvu yaje kwiba izi mashini kuko yari yaziboneye isoko rishyushye muri DR Congo.
Umuvugizi wa Police mu Majyaruguru, CIP Alexis Rugigana yabwiye Umuseke dukesha iyi nkuru ko aba basore bemeye ko bari bagiye kwiba izi mudasobwa.

Yagize ati “Nibyo koko turabafite. Umuto muri bo afite imyaka 18 y’amavuko kandi babiri bari basanzwe bazwi mu gasanteri k’inaha mu Gahunga.”

Ubujura bwa mudasobwa burogeye mu mashuli,kuko taliki 02, Nyakanga, 2019 abajura bibye mudasobwa nyinshi mu Rwunge rw’Amashuri rwa Rwisirabo mu Murenge wa Karangazi mu Karere ka Nyagatare mu Ntara y’Uburasirazuba,banica n’umwe mu barindaga ikigo.

I Karongi naho baherutse kwiba mudasobwa mu kigo cy’amashuri cya ES Gasenyi. Hari hashize igihe bibye izindi mudasobwa mu kigo cy’amashuri cya Mukungu (byombi biri mu murenge wa Mutuntu).

Umwaka ushize hari izindi mudasobwa zibwe mu kigo cy’amashuri kitwa ES Musango kiri mu Murenge wa Rwankuba mu Karere ka Karongi.

CIP Rugigana yasabye abazamu barinda ibigo by’amashuli kurushaho kuba abanyamwuga, bagakora akazi kabo badacogora kandi mu bunyangamugayo. .

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble sadah

    Babiryoze ikindi nisabira nibakanjye babahisha mumaso nooo bajye bareka turebe abobahemu

    1 month ago

Inzindi nkuru

Abantu benshi bakomerekeye mu mubyigano wo kujya kureba umurambo wa Mugabe...

Abantu benshi cyane babyiganye bajya kureba umurambo w’uwahoze ari perezida...
14 September 2019 Yasuwe: 3149 0

Kenya: Abakora umwuga w’uburaya muri Machakos bigaragambije basaba Leta...

Abakora umwuga w’uburaya mu ntara ya Machakos mu gihgu cya Kenya biriwe mu...
7 September 2019 Yasuwe: 3195 1

Burundi: Umuyobozi wa CNL muri Komini Nyabiraba yaburiwe irengero

Umunyamabanga w’ishyaka rya CNL ritavuga rumwe n’ubutegetsi bwa Petero...
4 September 2019 Yasuwe: 1239 1

Rubavu: Ba Visi meya babiri nabo beguye ku mirimo yabo

Inkubiri yo kwegura kw’abayobozi mu turere yakomereje mu karere ka Rubavu...
4 September 2019 Yasuwe: 2679 0

Karongi: Umumotari yishwe n’abagizi ba nabi barangije batwara moto...

Umumotari witwa Maniriho Faustin wari uzwi nka Gasiga w’imyaka 30 yaraye...
4 September 2019 Yasuwe: 6357 1

Aba Visi Meya bo muri Burera na Gisagara beguye ku mirimo yabo

Inkubiri yo kwegura no kweguza abayobozi mu turere yakomereje I Gisagara na...
3 September 2019 Yasuwe: 9435 1