addresiya
Kigali
startimes

Gicumbi: Ubushera bwahitanye abantu 2 abagera kuri 63 bajyanwe mu bitaro

Amakuru   Yanditswe na: Dusingizimana Remy 12 August 2019 Yasuwe: 2759

Abantu babiri barimo umwana w’imyaka 7 bahitanywe n’ubushera banyoye mu mpera z’icyumweru gishize, mu mudugudu wa Rugari, akagari ka Bugomba murenge wa Kaniga mu karere ka Gicumbi.



Abaturage banyoye ubu bushera kuwa Gatandatu w’icyumweru gishize babuhawe n’uwitwa Byiringiro Alain Didier wariwabatumiye kubera abashyitsi bari baje kumuhembi,birangira bubaguye nabi cyane bituma abantu babiri muri bo bahasiga ubuzima abandi 63 bajyanwa kwa muganga.

Umunyamabanga Nshingwabikorwa w’Umurenge wa Kaniga,Jean Marie Vianney Bangirana yabwiye Umuseke dukesha iyi nkuru ko ku mugoroba wo ku wa Gatandatu ubwo bariya baturage bari bamaze kunywa ubushera batangiye kuribwa mu nda, bamwe bacibwamo abandi bararuka ariko bakanga kujya kwivuza kuko bakekaga ko ari amarozi kugeza ubwo umwe yapfuye ejo saa sita n’igice.

Yagize ati “Abaturage bamaze kubona ko umwe muri bo amaze gupfa bahise babona ko bikomeye bahita baduhamagara tujyayo. turabigisha, abari bafite ikibazo bose bajya kwa muganga.”

Abantu 63 banyoye ubu bushera bahise bajyanwa ku kigo Nderabuzima cya Murindi kugira ngo bitabweho ariko umwe muri bo w’umwana w’imyaka irindwi na we ahita ashiramo umwuka.

Batanu muri bo bari barembye cyane bahise boherezwa ku bitaro bya Gicumbi, 25 bitabwabo bacumbikiwe ku kigo Nderabuzima mu gihe abandi 30 bo bavuwe bagataha.

Ubuyobozi bw’Umurenge buvuga ko bariya batashye bameze neza n’abandi bari kuvurirwa mu kigo nderabuzi no mu bitaro bya Gicumbi bari koroherwa.

Bangirana avuga ko abagize ikibazo ari abanyoye Ubushera bwari bwenzwe na ruriya rugo mu gihe abanyoye ikigage bari batuwe nta n’igicurane bigeze bataka.

Byiringiro Alain Didier nyiri ruriya rugo rwari rwenze buriya bushera yatawe muri yombi kuri station ya RIB ya Kaniga kugira ngo akorweho iperereza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 10322 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 33875 7

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4633 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 5822 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18110 4

Dushobora no gukora n’inama igihumbi ikibazo kidakemuka –Amb. Nduhungirehe ku...

Umunyamabanga wa Leta y’u Rwanda muri Minisiteri y’ububanyi n’amahanga, Amb....
3 February 2020 Yasuwe: 4874 2