Kigali

Inkubiri yo kwegura kw’abayobozi b’imirenge yakomereje I Kayonza na Musanze

Amakuru   Yanditswe na: Dusingizimana Remy 21 September 2019 Yasuwe: 4587

Abayobozi b’imirenge 4 ndetse n’abandi bakozi b’akarere beguye ku mirimo yabo ku munsi w’ejo mu turere twa Musanze na Kayonza kubera impamvu zinyuranye zirimo kutabasha kuzuza inshingano zabo uko bikwiriye.



Mu karere ka Kayonza heguye Abanyamabanga Nshingwabikorwa b’imirenge ya Murundi na Kabarondo ndetse n’abakozi babiri b’Akarere ka Kayonza, banditse amabaruwa basaba guhagarika akazi kabo.

Mu karere ka Musanze heguye Abanyamabanga Nshingwabikorwa b’imirenge ya Remera na Cyuve.

Uwitwa Nteziryayo Emmanuel wari Umunyamabanga Nshingwabikorwa w’Umurenge wa Cyuve na Munyemana Desire wayoboraga Umurenge wa Remera batanze amabaruwa yabo kuri uyu wa 20 Nzeri 2019, yari akubiyemo ibisobanuro bivuga ko bananiwe kujyana n’umuvuduko w’iterambere ry’umujyi, bagahitamo kwegura ngo baharire abashoboye.

Umuyobozi w’agateganyo w’akarere ka Musanze,Ntirenganya Emmanuel yemeje aya makuru ndetse avuga ko igisigaye ari ugusuzuma ubwegure bwabo.

Mu karere ka Kayonza naho inkubiri yo kwegura kw’abayobozi yarakomeje aho Murangira Xavier wayoboraga Umurenge wa Murundi, Dusingizumukiza Alfred wayoboraga umurenge wa Kabarondo, Hakizakumeza Innocent wari umuyobozi w’Ishami rishinzwe guteza imbere ibikorwa by’ubucuruzi, ishoramari no guhanga umurimo mu Karere na Ngwinondebe Francine wari umuyobozi w’Ishami rishinzwe abakozi n’ibikoresho mu Karere.

Aba bayobozi nabo banditse amabaruwa yabo bavuga ko bahagaritse akazi ku mpamvu zabo bwite.

Impamvu zikunze kugarukwaho na bamwe mu bayobozi begura nuko bemeza ko batagishobora kuzuza inshingano zabo cyangwa se ngo badashobora kujyana n’umuvuduko w’iterambere igihugu kiri kugenderaho.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 6462 0

RIB yafatiye mu mukwabu ibicuruzwa bitemewe bifite agaciro ka miliyoni...

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe...
11 November 2019 Yasuwe: 3400 0

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 3218 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 5654 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2637 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 6695 0