Kigali

Kigali:Umugabo wari wambaye imyenda ya gisirikare yarashwe akekwaho kwiba imashini zizwi nk’ibiryabarezi

Amakuru   Yanditswe na: Dusingizimana Remy 21 March 2019 Yasuwe: 7026

Mu kagali ka Nzove mu murenge wa Kanyinya,muri Rulindo harasiwe umugabo washatse gucika abashinzwe umutekano ubwo yari kumwe na bagenzi be batatu bari bambaye imyenda ya gisirikare bavuye kwiba imashini zifashishwa mu gukina imikino y’amahirwe (slot machine) zizwi nk’ibiryabarezi.

Aba bagabo biyitaga abasirikare kubera ko bari banambaye imyenda yabo,bafashwe na polisi bavuye kwambura ibi byuma by’imikino y’amahirwe bita ‘Ibiryabarezi’ ba nyirabyo, mu tubari tubiri byari byarashyizwemo umwe muri bo ashaka kwiruka baramurasa arapfa.

Umwe muri ba nyiri akabari witwa Nsaguye yahise abwira Police ko abo bantu bari mu modoka ya gisiviri kandi bambaye imyenda ya gisirikare babatwariye imashini zabo kandi bafite ibyangombwa byazo.

Nkuko Umuseke dukesha iyi nkuru ubitangaza, Police imaze kubwirwa n’abambuwe yategeye iyi modoka mu muhanda uva mu Nzove maze bayihagaritse uwari uyitwaye witwa Ntezurundi w’imyaka 30 arayihagarika avamo ashaka gukizwa n’amaguru, ngo nibwo yarashwe ahita apfa.

Umwe mu bo bari kumwe witwa Ntakirutimana we yafashwe anemeza ko bavuye kwiba izi mashini kandi bari kumwe koko n’abandi bambaye imyambaro ya gisirikare y’ingabo z’u Rwanda. Uyu yavuze ko abandi bari kumwe basigaye mu nzira.

CIP Marie Goretti Umutesi Umuvugizi wa Police mu mujyi wa Kigali yabwiye Umuseke ko iyi myenda y’ingabo bishoboka ko ari iyo bari bibye kugira ngo bayikoreshe muri ubu bujura.

Avuga ko uwafashwe yemeza ko bari basanzwe bambura abantu izi mashini zabo biyita abasirikare.

CIP Umutesi avuga Police nta gahunda ifite yo kurasa abajura igamije kubica. Ati “Gahunda ya Police ni ukubashyikiriza ubutabera bagakurikiranwa ku cyaha cy’ubujura baba bafatiwemo. Ariko kwiruka wafashwe cyangwa kurwanya inzego z’umutekano ushaka guhungabanya ubuzima barakurasa”.

Muri uku kwezi kwa Werurwe,hamaze kuraswa abantu bakekwaho ubujura bagera kuri 5 aho umwe yarasiwe i Masaka ya Kicukiro, batatu barasiwe ku Gisozi muri Gasabo undi yaraye arasiwe mu Nzove muri Nyarugenge.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Kamuzinzi

    Abarasa abo bose kereka nibatorokana nababo bakorera. nahubundi Mageragere cyangwa nabo kuraswa birabitse.

    22 March
  • chat_bubble N.theo

    Ariko kuki,abantu barikuraswa cyane bafashe,ibyobisambo bagahanwa bitishwe,ko nokwicuza ugasaba,imbabazi Imana,ko,aribyiza ko uba barirwa.

    21 March
  • chat_bubble damour

    hari nuwarasiwe mukarere ka kirehe witwa simba

    21 March

Inzindi nkuru

Reba ibiribwa byagufasha bitewe n’ubwoko bw’amaraso yawe

Buri muntu aba afite ubwoko bumwe muri ubu uko ari bune ( A,B,AB na...
9 October 2019 Yasuwe: 4323 0

Musanze: Abantu bitwaje intwaro bateye mu Kinigi bica abantu 08 bakomeretsa...

Abagizi ba nabi bari bitwaje intwaro zirimo n’imbunda baraye bagabye igitero...
5 October 2019 Yasuwe: 16595 1

Paris: Umugabo w’imyaka 45 yicishije icyuma abapolisi yasanze ku biro...

Umugabo witwaje icyuma yishe abapolisi bane kuri station ya polisi yo mu...
3 October 2019 Yasuwe: 3477 0

Donald Trump yategetse ko abimukira bashaka kwinjira muri USA bajya baraswa...

Perezida wa USA,Donald Trump,yasabye abarinda umupaka wa USA-Mexico ko...
2 October 2019 Yasuwe: 2646 0

Uwamurera wabujijwe kujya muri Sena kubera ubunararibonye buke yavuze uko...

Uwamurera Salama wari watowe n’ihuriro ry’imitwe ya politiki mu Rwanda ngo...
1 October 2019 Yasuwe: 3754 0

Urukiko rw’ikirenga rwanze ko Uwamurera Salama watowe n’ihuriro ry’imitwe ya...

Urukiko rw’ikirenga rwanze ko Uwamurera Salama wari watowe n’ihuriro...
1 October 2019 Yasuwe: 5379 0