skol
fortebet

Leta y’Uburundi yafatiriye imitungo y’abashinjwa gushaka guhirika perezida Nkurunziza ku butegetsi

Yanditswe: Thursday 16, May 2019

Sponsored Ad

skol

Kuri uyu wa Gatatu nibwo mu Burundi hasohotse urwandiko rwemeza ko Leta ya Nkurunziza yiyemeje gufatira imitungo y’abantu bose bashinjwe kugira uruhare mu gushaka guhirika ku butegetsi perezida Nkurunziza mu mwaka wa 2015.

Sponsored Ad

Abarebwa n’iyi ngingo iri muri dosiye RPMG 697/ bis/MA/BVNTH,ni abantu 32 bagizwe ahanini n’abashinjwa kuba barashatse guhirika ubutegetsi bwa Prezida Pierre Nkurunziza mu 2015.

Abo barimo abari mu mashyirahamwe aharanira uburenganzira bw’ikiremwamuntu, abatavuga rumwe n’ubutegetsi bwa Nkurunziza, abahoze mu ishyaka rya CNDD-FDD bakawuvamo bavuga ko badashigikiye manda ya gatatu ya Nkurunziza, n’abanyamakuru bakoreraga amaradiyo yahagaritswe muri 2015.

Leta yategetse ko imwe mu mitungo y’aba bantu 32 yafatirwa, hahita hemezwa ko hari inyubako 15 zikomeye z’abagabo barindwi baregwa na dosiye RPA 859 zafashwe.
Taliki ya 05 Gicurasi uyu mwaka nibwo iyi mitungo yose y’aba bantu bose yafashwe.

Umwe mu bari kuri urwo rutonde yabwiye Ijwi ry’Amerika dukesha iyi nkuru ati:" Nta gitangaje na kimwe kuri buriya butegetsi, twari tubyiteze."

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa