Kigali

Perezida Kagame yitabiriye siporo rusange kuri iki Cyumweru [AMAFOTO]

Amakuru   Yanditswe na: Dusingizimana Remy 5 May 2019 Yasuwe: 5036

Nyakubahwa perezida wa Repubulika,Paul Kagame,yifatanyije n’abatuye umujyi wa Kigali muri siporo rusange kuri iki cyumweru taliki ya 05 Gicurasi 2019.

Iyi Siporo rusange izwi nka Car Free Day, iba kabiri mu kwezi ikitabirwa n’abantu b’ingeri zose,yitabiriwe na Perezida Kagame kuri iki cyumweru.

Perezida Kagame yagaragaye muri iyi siporo anyonga igare, ndetse yifatanya n’abandi mu myitozo ngororamubiri imaze kumenyerwa ibera mu kibuga kinini cy’Ikigo cy’Igihugu cy’Imisoro n’amahoro, RRA, giherereye ku Kimihurura.

Nyuma y’iyi siporo, Perezida Kagame yabwiye abanyarwanda gukomeza kwitabira Car Free Day,kandi yemeza ko n’igihe atabashije kwitabira iyi siporo aba ari kumwe n’abanyarwanda,aboneraho gushimira umujyi ko wayaguriye hirya no hino.

Yagize ati "Ngira ngo mubo Meya yavuze bakuze bitabira siporo nanjye yamvuzemo.Niba twe bakuze tubasha kuyitabira,abakiri bato bakwiriye kuyitabira kurushaho.Njyewe niyo ntabonetse, ndi hanze y’igihugu nshaka aho nifatanyiriza namwe,dukomereze aho rero.Umujyi wagize neza gushaka ahandi henshi hegereye abandi benshi.

Ni umuco mwiza kandi n’abandi benshi ku isi batangiye gukurikiza ibyo dukora.Iyo ubonye abandi batangiye gukora ibyo ukora biba bivuze ngo icyo ukora ni cyiza.Dukomereze aho rero."

Umujyi wa Kigali watangije Car free day muri Gicurasi 2016 mu rwego rwo gufasha abawutuye kugira ubuzima bwiza ndetse ushyiraho gahunda yo gupima Abanyarwanda indwara zitandukanye ahahuriye abantu muri iyi siporo.

Mu Ukuboza 2017 nibwo Perezida Kagame yatanze igitekerezo cy’uko iyi siporo yari ngaruka kwezi, yakongererwa amasaha kugira ngo irusheho gutanga umusanzu mu gutuma Abanyarwanda bagira ubuzima bwiza. Ubuyobozi bwahise bufata icyemezo ko ’Car Free Day’ izajya iba kabiri, ku Cyumweru cya mbere n’icya gatatu cy’ukwezi.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble gatare

    Sport ni ngombwa.Ituma tugira ubuzima bwiza kandi tukaramba.Ariko niba dushaka kugira ubuzima nyakuri ndetse tukabaho iteka ryose mu isi dutegereje izaba paradizo dusoma muli 2 Petero 3:13,Bible idusaba gushaka Imana cyane,ntitwibere mu gushaka ibyisi gusa.Niyo wakora Sport nyinshi gute,ntibizakubuza Kurwara,Gusaza no Gupfa.Nta nubwo uzarenza imyaka 100.Rwose ntitugashidikanye ibyo Bible ivuga.Niba Imana yaraduhaye ubuzima n’ibindi dukeneye byose,kuki twashidikanya ko ku Munsi w’Imperuka,Imana izazura abantu bapfuye bayumvira ikabaha ubuzima bw’iteka?Ni Yesu ubwe wabivuze muli Yohana 6:40.Muze dushake Imana,niba dushaka kubaho iteka.
    Kubera ko abantu bashidikanya kimwe n’abatemera ibyo Bible ivuga,Imana ntizabaha ubuzima bw’iteka.

    3 months ago
  • chat_bubble citoyen

    @Fidens: ntabwo ari wowe wenyine. Uyu musaza Imana yonyine ijye imuturindira.

    3 months ago
  • chat_bubble Fidens

    Nkunda uno musaza cyane

    3 months ago

Inzindi nkuru

Minisitiri w’intebe w’Ubwongereza yiswe umunyagasuzuguro kubera gukandagira...

Ifoto ya minisitiri w’intebe w’Ubwongereza Boris Johnson yakandagiye ku meza...
23 August 2019 Yasuwe: 3529 1

Umugabo yatawe muri yombi azira kurunguruka no gufata mu ibanga amashusho...

Umugabo ukomoka I Madrid muri Espanye yatawe muri yombi acyekwaho...
22 August 2019 Yasuwe: 3903 1

Minisitiri Nduhungirehe yasabye Abanyarwanda kuba baretse gusubira muri...

Umunyamabanga wa Leta muri Minisiteri y’Ububanyi n’Amahanga y’u Rwanda, Amb....
22 August 2019 Yasuwe: 3957 1

Uburundi burashinja Abanyarwanda kwiba no kwiyitirira ingoma...

Minisiteri y’umuco n’imikino mu Burundi ivuga ko hari itsinda ry’abantu...
22 August 2019 Yasuwe: 2775 0

Umugore arakekwaho kwica umugabo we ajya kumuta mu ivatiri I...

RIB yataye muri yombi abakekwaho kwica wa mugabo umurambo we wasanzwe mu...
20 August 2019 Yasuwe: 4972 2

Perezida Kagame na Museveni bagiye kongera guhurira muri Angola muri iki...

Kuwa 21 Kanama 2019,Perezida Kagame na Yoweli Kaguta Museveni bazahurira I...
19 August 2019 Yasuwe: 2125 2