Kigali
dnd

RIB yemeje ko yataye muri yombi wa mwarimu wakubise umunyeshuli we akamuvuna ukuboko

Amakuru   Yanditswe na: Dusingizimana Remy 18 September 2019 Yasuwe: 2532

Urwego rw’igihugu rw’ubugenzacyaha rwemeje ko rwataye muri yombi umwarimu wigisha ku kigo cy’amashuli yisumbuye cya GS Murira mu karere ka Rusizi, ushinjwa gukubita umunyeshuri yigisha witwa Kwizera Patrick akamuvuna ukuboko.



RIB ibinyujije kuri Twitter yayo,yavuze ko ikimara kumenya ikibazo cya Kwizera yahise ita muri yombi umwarimu wamuvunye ukuboko.

Yagize iti “Tukimara kumenya amakuru ukekwa yarafashwe ariho arakurikiranwa.”

Nkuko uyu mwana n’ababyeyi be babitangarije TV1,uyu mwana yavunwe ukuboko mu kwezi kwa Kamena uyu mwaka,ubwo mwarimu wabo yabahaga umwitozo wo gukorera mu matsinda y’abantu batatu batatu hanyuma abawunaniwe barakubitwa.

Uyu mwana wigaga muri iki kigo giherereye mu murenge wa Muganza mu karere ka Rusizi yabwiye TV1 ko uyu mwarimu yari yabahaye umwitozo wo gukora mu matsinda,abawutsinzwe abakubitisha igiti cy’umukoropesho hanyuma amugezeho amukubita inkoni y’ukuboko amuvuna igufwa.

Yagize ati “Twari turi mu ishuli ku I taliki 13 Kamena,mwarimu aduhaye umwitozo turi mu matsinda y’abantu batatu batatu,utunaniye ahera ku ntebe ya mbere agenda akubita yamanuye umukoropesho wari hejuru ku kabati.Yagiye akubita buri wese mu mugongo angezeho arankubita arampusha,umukoropesho ukubita ku ntebe uhita unkubita ku nkokora.Umuganga wambaze yaravuze ngo igufwa ryaracitse.”

Umuyobozi w’iki kigo n’ushinzwe uburezi mu murenge wa Muganza bavuze ko batigeze bakomeza gukurikirana ikibazo cy’uyu mwana kuko ngo uyu mwarimu n’ababyeyi be bicaye bakakiganiraho ndetse ngo uyu mwarimu ntabwo yari asanzwe ari umunyarugomo ni impanuka yamugwiriye.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Iburengerazuba: Ngororero yabonye amanota 10% mu gihe Rubavu yabaye iya...

Umuvunyi Mukuru, Anastase Murekezi yashimye Akarere ka Rubavu kubera...
2 December 2019 Yasuwe: 1810 1

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 7115 0

RIB yafatiye mu mukwabu ibicuruzwa bitemewe bifite agaciro ka miliyoni...

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe...
11 November 2019 Yasuwe: 3701 0

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 3541 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 6118 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2789 0