Urugendo rwo gushaka umukobwa uhiga abandi mu Bwiza, Ubwenge ndetse n’Umuco rurakomeje. Amajonjora yibanze ararimbanije, abakobwa bamaze gutoranywa baratanga ikizere ko nta kabuza iri rushanwa ry’uyu mwaka rizaba ryiza kurenza ayabanje.

Sponsored Ad

VIDEO: UBURANGA BW’ABAKOBWA 41 BAHAGARARIYE INTARA 4 MURI MISSRWANDA

Imyumvire ku marushanwa y’ubwiza by’umwihariko Miss Rwanda iragenda ihinduka, abakobwa bakitinyuka kakahava, imishinga irenga amagana itanga ikizere ko nta kabuza urubyiruko rw’abakobwa rurimbanije mu kwishakamo ibisubizo bifitiye rubanda akamaro. Ubwiza bufite intego bugahabwa intebe intumbero zikajyerwaho ntamananiza. Missrwanda ni umuyoboro kuribo.

Urugendo rwo gushaka Nyampinga w’u Rwanda 2022 rwatangiye 29 mutarama 2022, ruhera mu ntara y’amajyaruguru rukomereza iburengerazuba, amajyepfo arakurikira kurubu bakubutse i Uburasirazuba.

Kimwe mu bikomeje kugaragaza ubudahangarwa bw’iri rushanwa, ni uko uko iminsi yicuma rigenda ryitabirwa ku rugero ruhambaye kandi ababizamo bakaba bayishimiye ndetse banifitiye ikizere. nk’urugero mu 2017, intara y’amajyepfo abitabiriye aya majonjora muri iyi ntara bari 4 gusa,ariko muri 2022 abitabiriye muri iyi ntara bari 98. Urugero rwo kwishimira intambwe nziza iri guterwa na Rwanda Inspiration BackUp itegura iri rushanwa.

Abakobwa biyandikishije mu ntara 4 bose hamwe ni 282, muribo 202 nibo bemerewe gutambuka imbere y’abagize akanama nkemurampaka kari kagizwe na Mutesi Jolly, James na Evelyne. Mukazi katari koroshye aba bakemurampaka bahisemo abakobwa 41 gusa bahagararira izi ntara zose uko ari 4.

Umuryango urakugezaho mu Mafoto Uburanga bw’aba bakobwa 41 bose bazahagararira intara 4 muri Missrwanda 2022.

Amajyaruguru:
1. Ishimwe Muhayimpundu Adelaide

2. Mutavu Marie Leslie

3. Nshuti Vanessa

4. Bagiriteto Aliane

5. Uwase Mignone

6. Umutoniwase Dianah

7. Cyiza Raissa

8. Kaberuka Emmanuella

9. Igiraneza Mugisha Gislhaine

Uburengerazuba:
10. Nshuti Muheto Divine

11. Uwajeneza Peggy

12. Keza Maolithia

13. Muringa Jessica

14. Stella Matutina Murekatete

15. Mwiza Amelia

16. Kazeneza Marie Merci

17. Isaro Nadia

18. Umubyeyi Sandrine

Amajyepfo:
19. Ituze Ange Melissa

20. Tanganyika Elisabeth

21. Ashimwe Michelle

22. Kamikazi Queen Roxanne

23. Ikirezi Happiness

24. Ruzindana Belyse

25. Uwimana Jeannette

26. Irakoze Sabrine Hyguette

27. Keza Melissa

Iburasirazuba:
28. Ikirezi Musoni Kevine

29. Uwase Teta Sheena

30. Mwiza Oliver

31. Nzamukosha Patricia

32. Mutoni Pascaline

33. Umulisa Lidivine

34. Keza Nactia

35. Uwase Lucier

36. Uwase Esther

37. Nkusi Lynda

38. Mugabekazi Ndahiro Queen

39. Umuhoza Emma Pascaline

40. Ibirezi Noella

41. Nzobe Nikita Amani

Byitezwe ko kuri uyu wa gatandatu turi gusatira nibwo mu mujyi wa Kigali aribwo hazamenyekana abakobwa bazawuhagararira mu irushanwa rya Miss Rwanda 2022.

Ku bijyanye n’ibihembo,umukobwa uzegukana ikamba byatangajwe ko azahabwa Hyundai Venue igura hagati y’ibihumbi 18$ na 22$; mu mafaranga y’u Rwanda ni hejuru ya miliyoni 18 Frw na 22 Frw. Iyi modoka itandukanye n’iyo batanze mu 2021, kuko Ingabire Grace wegukanye ikamba we yahawe Hyundai Creta.

Miss Rwanda nk’ibisanzwe azahembwa imodoka yo mu bwoko bwa Hyundai Venue n’umushahara w’ibihumbi 800 Frw ku kwezi.

Impinduka zavuzwe mu irushanwa rya Miss Rwanda ni uko buri mukobwa uzabasha kugera muri Pre-selection azahabwa amafaranga ku majwi azaba yamutoye.

Mu zindi mpinduka zavuzweho ni ibihembo, aho ibihabwa abakobwa begukana amakamba byongeye kuzamuka, buri wese akazajya ahabwa 2.400.000 Frw naho Nyampinga w’Umuco n’Umurage we akazahembwa na PRIMUS miliyoni 5 Frw.

Muri Miss Rwanda 2022, umukobwa uzegukana ikamba ry’ufite umushinga mwiza azajya ahembwa ibihumbi 500 Frw ku kwezi, hanyuma afashwe no kuwushyira mu bikorwa.