Kigali

Umuntu utazwi yajyanye ururabo rwanditseho ngo “Tuzahora tubibagirwa” ku rwibutso rwa Jenoside rwa Ntarama

Amakuru   Yanditswe na: Dusingizimana Remy 16 April 2019 Yasuwe: 9206

Umuntu utaramenyekana wari mu bagiye Kwibuka Jenoside yakorewe Abatutsi ku rwibutso rwa Ntarama,mu Bugesera, yashyize ururabo rwanditseho ngo ’Tuzahora tubibagirwa’ mu zindi abandi bashyize ku mva.

Inzego zishinzwe iperereza n’iz’umutekano ziri gushakisha uyu muntu wuzuye ingengabitekerezo ya Jenoside kuko ngo ibyo yakoze byerekana gupfobya Jenoside yakorewe Abatutsi.

Nyuma yo gukora urugendo rwo Kwibuka,habaye umuhango wo gushyingura,aho imiryango yashyinguraga ababo yabanje gushyiraho indabo nyuma n’abandi baturage bari kumwe bashyiraho izo bari bafite.

Umwe muri aba ngo ashobora kuba ari we washyizeho ururabo rwanditseho ngo ‘Tuzahora Tubibagirwa” nkuko amakuru yatanzwe n’abari kuri uru rwibutso babitangaje.

Umuyobozi w’Umurenge wa Ntarama, Marthe Uwamugira yatangaje ko uwabikoze atarafatwa ariko agishakishwa.

Uwamugira avuga ko nyuma yo kwibuka Abatutsi baruhukiye mu rwibutso rwa Ntarama, umuhango urangiye abantu basezeye barataha ariko hasigara bake ku rwibutso.

Umugore umwe muri bo ni we wabibonye akabyereka abandi,yahise ahungabana.

Abanyarwanda bari mu minsi 100 yo kwibuka Jenoside yakorewe Abatutsi,hari bamwe mu banyarwanda bakomeje kugaragaza ingengabitekerezo ya Jenoside.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Hategekimana Venuste

    Birababaje cyane kandi biteye agahinda kuba hakiri abantu bagifite imitwe n’imitima yuzuye ingengabitekerezo! Gusa umuntu nk’uwo aranadukerereza mu iterambere kuko imyumvire ye ntaho yamugeza we ubwe kandi amaherezo azisanga asigaye wenyine mu bujiji bwe abandi tugeze kure cyane ko abanyarwanda dushyize hamwe mu kurwanya abatudindiza. Turacyafite akazi kenshi gusa inzego zacu z’umutekano twemeraho ubuhanga n’ubushobozi zimukurikirane zimugaragaze.

    2 months ago
  • chat_bubble alan

    wenda habayeho kwibeshya " Yagombaga kwandika NTITUZABIBAGIRWA........aho rwose tujye twibuka ko hari abatazi kwandika neza no gusoma

    2 months ago
  • chat_bubble

    Erega nta muryango wabuze ikigoryi, abo bapfobya ntibazabura, gusa tugize Imana baba bake nubwo nabo bake ari ikibazo.

    Hari abantu bonse ivangura mu mashereka kuburyo mu mitwe yabo nta kindi kiberamo; no mu budage kugeza ubu abantu bafana Hitler baracyagaragara kandi hashize imyaka n’imyaniko.

    Batugiriye neza iyo ngengas bayimira bunguri bakaza rundukana nayo ariko ntibatwangirize abana.

    2 months ago

Inzindi nkuru

RURA yatangaje ibiciro bishya bya Taxi voiture

Ikigo cy’igihugu gishinzwe kugenzura imikorere [RURA],cyamaze gutangaza...
18 June 2019 Yasuwe: 2840 0

Burundi: Ibiro by’ishyaka rya Agathon Rwasa byatwitswe n’abantu...

Mu ijoro ryo kuri uyu wa Gatandatu taliki ya 15 Kamena 2019, ibiro...
16 June 2019 Yasuwe: 1761 0

Kenya: Abapolisi 8 bapfiriye mu modoka yaturikijwe n’igisasu bivugwa ko...

Abapolisi umunani ba Kenya bapfiriye mu modoka barimo,yaturikijwe n’igisasu...
16 June 2019 Yasuwe: 1486 0

Ubuyobozi bw’akarere ka Kamonyi bwagaragaje intambwe ikomeye bumaze gutera...

Ubuyobozi bw’akarere ka Kamonyi buratangaza ko bwishimiye uko buhagaze muri...
13 June 2019 Yasuwe: 1050 3

Nyanza: Umugabo yakubiswe ibuye ahita apfa nyuma yo gushaka gusambanya...

Umugabo witwa Habyarimana Evariste w’imyaka 44 y’amavuko, yahuriye n’uruva...
9 June 2019 Yasuwe: 6509 1

Umugangakazi yaciye ururimi rw’umugabo washakaga kumufata ku ngufu yigize...

Umugangakazi w’imyaka 24ukomoka muri Afurika y’Epfo yaciye ibintu ku mbuga...
8 June 2019 Yasuwe: 8557 2